Dagboek van Gent van 1447 tot 1470. Deel 1

Van den lichte 'ts nachts, van der poorten te sluutene ende de wake te haudene.

‘Item, men ghebiet voort, dat alle conincstavels van tien mannen ghehauden zullen haerlieder licht vooren ter straten te doen berrene⁽³⁾ 'ts navents te VI hueren, ende alzo hauden bernen al den nacht tot 's morghens te zessen.

(3) Berrene, branden.

[p. 235]

Item, men zal 'ts navents de poorte sluuten ten zesse hueren, ende alzo hauden ghesloten⁽¹⁾ al den nacht tot 's morghens te sessen.

Item, zal elcke conincstavelrie vergaderen, elc in 't zyne, 'ts navens ten VIII hueren, ende daer blyven tot 'ts morghens ten VI hueren.

Ende zo wie van al desen in ghebreke ware oft ter contrarie dade, zaude verbueren t'elcken VI groote, waer af de besouckers⁽²⁾ wesen zullen de upperconincstavels, elc in 't zyne, wel verstaende, waer 't dat yements licht uutghynghen by winde oft afvallene van den lanterne, duechdelic, zonder fraude, dat men dan ongehauden zyn zaude van eenegher boete ende dit licht zullen ghehauden wesen te betalene de goede lieden van elcker conincstavelrien ghemeenlic, ende die daer jeghen zeyde oft in ghebreke ware t'elcker X^te nacht zyn handdeel te betalene oft sconincxstavels ghemoedt⁽³⁾ te hebbene, die zaude verbueren t'elcken VI groote, ende hier af zullen eerlicke executie doen de upperconincstavels onder wien dat ghebreck was.’

(1) In het handschrift staat bij misslag het woord bernen.

(2) Besouckers, onderzoekers.

(3) Ghemoedt van gemoeden, voldoen aan eene verplichting; zie Verwijs-Verdam, Midnedl. Woordenb., D. II, kol. 1366.