Dagboek van Gent van 1447 tot 1470. Deel 1

Van der straten voorghebot.

‘Item, zo ghebiet men van den drie Hooftmannen weghen dat elc, wie hy zy, de strate oft plaetse voor zyn dhuere scoonmake oft doen scoonmaken van der onreynichede ende vuylichhede diere voren light ende zonder die te latene ligghene, omme de wakers wille die by nachte dicwille in 't donckere ghaen moeten, ende oock om de eerbaerhede van⁺ der stede; ende zo wie in ghebreken van desen bevonden worde, zo souden 't 'ts conycx kinderen⁽¹⁾ zelve doen ende weeren 't, mits uplegghende de boete van vyf grooten, die zy van den ghenen die in ghebreke waren daer vooren ontfaen sauden. Ende hier af zal men doen eerlicke executie zonder yement te spaerne⁽²⁾.

+ f^o 69 v^o

(1) 'ts conycx kinderen, of moorkinderen, ondergeschikte stedelijke bedienden, gelast o.a. met den reinigingsdienst.

(2) Vgl. een voorgebod van Februari 1347 en van 1381, bij N. de Pauw, De Voorgeboden der stad Gent, bz. 39 en 156.