Dagboek van Gent van 1447 tot 1470. Deel 1
(1901)–Anoniem Dagboek van Gent 1447-1452–Vertooghen voort III remissien.Ga naar margenoot+ Item, hier naer up den zelven tyt daden zy vertooghen hoe dat te diverschen stonden wapenynghen ende beroerten binnen deser stede ghezyn hebben, daer af dat de prince ghegheven heeft drie remissien alle playn remis. zonder de leste daer was wat exceptien in; ende nyet jeghenstaende dat d'andre twee pleyn waren zonder exceptie, nochtan hadden eeneghe insetene van deser stede ghecorrigiert gheweest by justicien, by banne ende andersins, dwelcke hemlieden dochte jeghens recht ende ghenouch paeys brake, meenden daer af correctie te doen gheschiene, evenverre dat zy daer af yement zouden bevinden. Ende als van der derder remissie dat se exceptie in hadde ende | |
[pagina 201]
| |
nyet pleyn en was, by quaden gouvernemente van den gheenen die se impetreerden ende vercreghen, ende meenden by dien up de vercryghers ooc correctie te doene, want 't volck daer mede bedroghen hadde ghezyn. Daer af de zelve III remissien hier an ghehecht zyn, te deser teeckenen V, VI, VII. |
|