Dagboek van Gent van 1447 tot 1470. Deel 1

[Andre lettren van aliancie].

⁺ Wy, Jan, by der gratien Gods, hertoghe van Brabant ende van Limborch, doen condeghen alle den ghonen die dese lettren zullen zien ende hooren lesen, dat wy gheloven den Baeliu ende scepenen der stadt van Ghendt dat alle de ghene die uuter stadt van Ghendt ghebannen zyn ofte werden verbannen van den quaden faicten ende die de scepenen hauden ende kennen dat zy verwonnen zyn metten rechte dat zy slyfs verbuert hebben, weder zullen doen leveren in dien van Ghends handen oft zy versoucken an ons oft onsen Meyere in dier manyeren dat zy ons datzelve weder doen zullen; ende omme dat wy willen dat dit vast ende gestadich blyve, zo hebben wy onzen lieven stadt van Luevene [ghebeden] dat zy haren zeghele met den onsen an deser chaertere hanghen. Ende wy, Meyere, scepenen ende ghezwoornen ende raedt van der stede van Luevene omme de bede ons liefs heeren Jans, by der gratien van ons Heeren, hertoghe van Lothrijcke, van Brabant ende van Lembourg, hebben wy onsen zeghele hier an doen hanghen met den zynen ende gheloven oock al dit dat daer voorseyt staet te haudene met onser heeren; in kennessen der waerheden, ghegheven den zaterdach naer groot vastelavont in tjaer ons Heeren duust drie hondert ende zesse⁽²⁾.

+ f^o 54 v^o

(2) Niet afgedrukt door Schayes; onvolledig medegedeeld door O. Vredius, Genealogia Comitum Flandriae, Probationes, D. II, bz. 29; de akte, verleend door Jan II van Brabant en de stad Leuven, is van 18 Februari 1307.