Dagboek van Gent van 1447 tot 1470. Deel 1

Aliancie.

‘Voorzieneghen ende eerbaren mannen, onsen allerliefsten vrienden, den rechteren, scepenen ende al den ghemeenen

[p. 197]

poortren van Ghendt, de justiciers, scepenen ende al den ghemeene van der stede van Brucele, saluut ende ghereeden wille. Tot harer ghelieften, uut noodzakelicheden, redenen ons dwynghende ende den grooten oorbuer begheerende, hebben wy in goeder trauwen, up dat ghevalt, eeneghe van den volders ofte wevers ofte van anderen lieden van uwer steden van eeneghen andren in ambochte te gane jeghens de vryheden, rechten ende costumen uwer stede van Ghendt, daer hy omme tot onser stadt vluchten mochte, meenende by ons bescud, bewaernesse ende zekerhede te hebbene, zulcke ne zullen wy in gheender wys alzo langhe als hy in dien staet wesen zal ende rebel blyft, by ons hauden oft behoeden, noch eenich bescud in onse stadt in eenegher wys laten hebben, nemaer zullen hem uut onser steden ende vryheyt verdriven ende openbaerlic bannen, in zulcker wys dat zo wie van ons hem naer den zelven ban heerbeercht meer dan eenen nacht, die zal betalen XX scellinghen, ende alzo dicwil ende menichwaerf zal hy betalen XX scellinghen; ende zo wie van den meesters zulcke ten ambochte stelt, die zal verliesen zyn ambacht een gheel jaer lanc; zo wie oock zulc eenen man vercoopt spyze ofte dranck, die zal betalen XX scellinghen, ende alzo dickent ende zo menichwaerf als hy 't hem vercoopt, zal hy betalen XX scellinghen. Ende dat men 't ghetrauwelic can ghedoen blycken ende up dat men 't nyet can ghedoen blycken, zo zal men 't slichtelic⁽¹⁾ van hem begheeren, ende hy zal hem ontsculdeghen ende excuseren, hem derden, die van andren ambachte zyn. In ghetughenessen van welcken dynre alliancien ende vastenessen, wy ulieden dit jeghenwoordich blyckende ghescrifte onder onsen zeghele consenteren ende zenden. Ghedaen in 't jaer ons Heeren MCCLXXIIII, tswoondaeghs voor de gheboorte van Sente Janne Baptisten⁽²⁾’.

Voort daden zy zegghen datter nog VI brieven zyn van⁺

(1) Slichtelic, ten minste.

(2) Latijnsch oorspronkelijk stuk van Brussel van 20 Juni 1274, Stadsarchief te Gent, n^r 102 van het Inventaire van Van Duyse.

+ f^o 59 v^o

[p. 198]

ghelycken aleancen, alle ghelyckludende van noch VI andren steden in Brabant, te wetene, Luevene, Mechelen, Antwoorpen, Leeuwe, Lyere ende Thyenen⁽¹⁾.

(1) De originale akten dezer steden, insgelijks in 't latijn, vindt men op 't zelfde Stadsarchief, n^rs 100 tot 108. Over die verbonden, zie Prof. H. Pirenne, Histoire de Belgique, bz. 351.