Dagboek van Gent van 1447 tot 1470. Deel 1

[p. 196]

⁺ De Messagie van den Coninc⁽¹⁾.

‘Philips, by der gratien Gods, coninc van Vranckerycke, allen den ghenen die dese letteren zullen zien oft hooren lesen, saluut. Weten alle dat in recompensatien ende restoire van der harden grooter ghetrauwicheden, die wy ende onse voorders zouden hebben in de poorters ende in al de stede van Ghendt, die zyn onze bezwoorne voor alle andre mannen ende van goeden ende danckelicken diensten ende hulpen die zy ghedaen hebben ons ende onse voorders goedertierlic; ende omme bat te haudene den eedt voorschreven diè zy t'onswaert hebben, wy ontfaense ende stellense in onse protectie ende speciale goeden ende beloven hemlieden in goeder trauwen dat wy als ghetrauwe princhen hemlieden hauden ende beschermen zullen van onrechtvaerdeghen crachte ende vyolentien jeghens alle alzo vele ende alzo langhe als zy ons helpen zullen ende houden met ons jeghens alle. Ende omme dat dit zy [dync wel ghehauden ende ghewacht, hebben wy ghestelt onsen zeghele an dye] jeghenwoordeghe lettren ghemaect ende ghegheven te Parys, in 't jaer van gracien dusentich II^c ende X[C]VI, in de maendt van wedemaent⁽²⁾.’

⁺ Daer naer vertooghden zy ende daden lesen eenen brief, ghetranslateert uuter latyne in vlaemsche, van der stede van⁺ Brucele, hoe dat zy sculdich zyn te verdryvene van huerer stede de ballynghen die hier ghebannen zyn, sprekende den zelven brief van woorde te woorde aldus:

+ f^o 53 r^o

(1) Het Handschrift geeft: Messagier.

(2) Wedemaent, Weimaand of Juni 1296; oorspronkelijk stuk in het Fransch, N^r 209 van het Stadsarchief te Gent, ontleed in het Inventaire van Van Duyse, bz. 67; afgedrukt bij F. Funck-Brentano, Philippe le Bel en Flandre, blz. 175, aanm. 2.

+ f^o 53 v^o

+ f^o 54 v^o