Dagboek van Gent van 1447 tot 1470. Deel 1

Vertooghynghe.

Item, tsdonderdaeghs⁽²⁾ den IX^en dach van decembre, trocken de hooftmannen, scepenen van beede de bancken, beede de dekenen ende uut elcker bannyere eenen persoon ter Prevylege⁽³⁾.

Item, tsvrindaeghs den X^en dach van der zelver maent, vertoochden de hooftmannen ter maerct, van up Thoochuus, voor al 't folc eene prevylegie hoe dat de coninc van Vranckerycke ghehauden es dese stede te secourreerne in allen onghelycke oft andren onredelicken zaken die men hier doet, 't welcke alzo zy daden zegghen, zy te kennen gaven te dien hende dat elc weten mochte hoe verre dat de coninc in ons ghehauden es, waer 't van noode, enz. Ende es hier an ghehecht, III^o:

(2) Het Handschrift geeft bij misslag ‘tswoondaechs’.

(3) Ter Prevylege, ter plaats waar de stadsprevilegien, boeken en charters berusten, nl. het Belfort; zie het Memorieboek, D. I, bz. 257, en Gachard, La Bibliothèque Nationale à Paris, D. I, bz. 298.