Dagboek van Gent van 1447 tot 1470. Deel 1

Exame ende 't verleyen van Jan De Smet, alias Bels.

Jan de Smet, alias Bels, zeght dat hy M^er Pieter Boudins ende M^er Jooris De Bul heeft ghehooren zegghen dat zij wel wilden dat de liede van Ghendt d'een den andren doot gheslaghen hadden.

Als van den pointen van den doot slaghen van den persoenen boven ghenoopt seiden dat zy 't last niet bestaen en wilden; voort dat zy mynen gheduchten Heere ghesproken hadden, ende als zy by hemlieden quamen, zo seiden zy dat hy hemlieden verandworden: ‘hy en wilde gheen moordeneere zyn, noch last gheven eeneghe persoenen te vermordene’.

Item, ten andren als van dat zy mynen Heere belast hebben

[p. 140]

dat myn Heere in den roup te vreeden was, seiden dat de zelve myn Heere niet en wiste te wat neeringhen den zelven roup ghemaect was ende was hem ghedaen te verstane dat den voorschrevene roup ghemaect was omme 't bescudt van hemlieden, up dat hem yement hadde willen eeneghen inder doen in haerlieder zake⁽¹⁾.

Item, verkende voort de voornoemde personen dat zy zekere vergaderynghe ghemaect hadden in den Leeu, up 't Sant⁽²⁾, daer⁺ men hemlieden de brieven ghebrocht zoude hebben, ende liet hem weten M^er Pieter Bauwins by eenen Fransoys Van der Vennen⁽³⁾ die hemlieden de kerven brochten, de welcke hy hemlieden sand, souder de brieven heffen.

Item, de zelve seght dat M^er Pieter ende meester Joris zelve te Ghendt commen zauden ende helpen de wapenynghe maken ende hemlieden hulpe ende bystandichede doen met haren vrienden; maer Pieter Tyncke ende zyn ghesellen ontsaghen 's hem ende en wilden 's nyet anveerden ende myn gheduchte Heere riet hem dat zy hem wel hauden zauden ende wysselick, ende by also dat zy overlast hadden, dat zy trocken up de Santpoorte⁽⁴⁾ ende consten zy hem ghehauden IIII oft V hueren, hy zaude hemlieden sercours doen. -

Up welck examen ende verlyen collatie ghedaen was tsvrindaechs, den V^en novembre; maer wel es waer dat men al heer men de voorschrevene examen dede, men de voorschrevene ghedeputeerde las in 't sGravensteen, ter plaetsen voorschreven, 't bedrach dat up de voornoemde IIII persoonen ghehuudt was, by oorconscepe ghehoort by den Heere ende scepenen van den kuere, dat zekere groot, zwaer ende lastich

(1) Hier eindigt het stuk dat wij op het Stadsarchief vonden; de woorden tusschen haakjes geplaatst zijn aan den opsteller van het Dagboek eigen.

(2) Het Zand was de wegscheiding der Keizer- en St-Lievenstraten.

+ f^o 32 r^o

(3) Een fruitverkooper, ziet verder f^o 62 r^o.

(4) Ook Zottepoort genaamd, aan 't uiteinde der Korte Violettestraat.

[p. 141]

was ende vele breedere dan zy twee kenden. Ende voort gheschiede up desen dach dat hier naer volcht.