Dagboek van Gent van 1447 tot 1470. Deel 1

't Verkennen van Pieter Tincken.

Pieter Tincke zeeght dat hem M^er Pieter Boudins ende meester Joorys De Bul veerghden Daneele Sersanders doot te slane.

[p. 139]

Voort dat meester Pieter ende meester Joorys De Bul ghierene ghesien hadden dat hier wapeninghe gheweest zoude hebben ende dat meester Pieter Baudins ende meester Joorys De Bul den roup ordineerden te Berghen in Henegauwe, an een tafle zittende ende veerghden hem de wapeninghe te makene. Zeeght voort dat zy van Lievin De Pottre ooc wat seide ende wilden elc wel dat hy ooc doot ghesleghen hadde gheweest. Voort dat⁺ M^er Pieter Boudins ende M^er Jooris de Bul, zullen bedrieghen mynen gheduchten Heere ende der stede van Ghend, zy zyn zo valsch ende zo quaet [ende vermoghen te doene van eender wapenynghe. Zeght voort dat deze roup verhaelt was voor mynen gheduchten Heere, ende antwoorde daer uppe: ‘Het es goet’.] Pieter Tincke zeeght voort dat hem M^er Pieter Boudins ende M^er Jooris De Bul seiden dat hy vele bystandicheden hebben zoude van menichten van persoenen, ende noumden alle de sauvegarde lieden tot L of tot LI, noumden ooc Pieter Bogaert ende Jacop Mast, ende de meeste meenichte van den sciplieden ende vele andre persoenen die hem niet vooren en staen, alzo meester Pieter ende meester Jooris seiden.

[Naer dese exame, zo was Pieter Tyncke anderwaerf ghebracht ter exame, ende seyde meer dan hy te voren ghedaen hadde.]

+ f^o 31 v^o