Dagboek van Gent van 1447 tot 1470. Deel 1

Hier naer volcht de clachte van Pieter Tyncke.

Item, den XIII^e octobre, zo quamen voor scepenen, zo zy te meer stonden ghedaen hadden: Pieter Tyncke, Lodewyck D'Hamere, Roel Van Ronneke ende Jan De Smet, alias De Bels, spraken an, present den Heere, Jan Goetghebuer, dekin van den Weverien zynde, ende zeyde hem an⁽²⁾ dat hy zekere persoonen ontfaen ende ghevrydt hadde in 't ambacht van der Weveryen contrarie der auden costumen, begheerende up hem danof correctie, ende presenteerden hemlieden voort hier te wette te stane, als poorters van deser stede, zonder hemlieden met eeneghe brieven van den prinche te bescuddene. Dat hoorende, elc ghezwoorne van den Weverien daer present, mondelynghe sprekende over hemlieden ende 't ghemeene ambacht van der Weverien, sonden an de voorschrevene vier ghezellen dat zy met haerlieder medepleghers ghemaect hadden

(2) Zeyde hem an, betichtten hem.

[p. 130]

vergaderynghe daer wapenynghe ende beroerte af ghescepen was te commene binnen deser stede, ende noch breeder soude men 't bevinden t'haerlieder laste, daer den Heere ende scepenen dochte anclevende crym, mids welcken de voornoemde IIII ghezellen ghevanghen worden.

Item, den XXV^en octrobris was Collatie⁽¹⁾ te gadere up de poynten hier naer volghende: eerst nopende de zake van Pieter Tyncke, Lodewyc d'Hamere, f^s Jacops, die ghevanghen ligghen in 't Castelet⁽²⁾, ende van den brieve daeraf ghesonden van onsen gheduchten Heere ende prince, als dat men up hemlieden nyet procederen en zaude.

Item, van der wake die men binnen dezer stede haudt by nachte, oft men die meerdren oft mindren wille⁽³⁾.

Item, als eeneghe poorters van Ghendt buten ghevanghen zyn⁽⁴⁾ ende de officiers die se ghevanghen hadden, die niet ontslaen willen, te scrivene ende ten verzoucke van scepenen, wat men daermede doen zal.

Item, als van den reden die men doet ende ghedaen heeft huuter name van deser stede dat men die vermyden zal ende doen alzo zelden als men goelicx can ende mach, het en ware emmere dat den landen ende der stede principalic anghynghe ende dat datte gheschien moest metten andren leden.

(1) Kronijk van Vlaenderen, D. II, bz. 113.

(2) Castelet, Chastelet en bij verbastering Sausselet, was de naam van de oude stadsgevangenis. Dit gebouw, dat tevens diende tot woning aan den Amman, stond op de Koornmarkt en besloeg de plaats van het hedendaagsch Posthotel. Zie over het Chastelet, F. de Potter, Beschrijving van Gent, D. I, bz. 130 vlgde.

(3) Deze bijzondere wacht was, uit vrees voor onlusten, in Juni laatstleden ingesteld geweest; Stadsrekeningen over 1450-51, f^o 116 v^o: ‘Item van den costen die men snachts in tScepenhuus van der kuere ter waken ghedaen heeft by scepenen van beede den bancken, beede de dekene ende vele meer andere personen beghinnende den VII^sten dach in wedemaent toot alfougste III lb. IIII sc. IX d. gr.’

(4) Zie verder f^o 90 r^o, de gentsche burger Elberechte den Court te Rupelmonde gevangen.