Dagboek van Gent van 1447 tot 1470. Deel 1

[p. 131]

Hier absenteert hem de Heere ende de Dienaers.

Item, tsdysendaeghs daer naer, was 't ghemeene, elc in⁺ 't zyne, hier uppe vergadert ende en wilden nyet te weercke gaen⁽¹⁾, justicie en zaude ghedaen wesen van den voorschrevene IIII ghesellen ende worden zeere beroert, omme dwelcke de voorschrevene hoochbaelliu ende de IIII tsheeren cnapen, metten onderbaeliu, mids dat zy hadden 't bevel van den prince, nyet daer over te stane, hemlieden absenteerden ende vervremden van der stede up den zelven dach; waeromme die van der plaetsen⁽²⁾, de smeden ende andere neerrynghen ende grotelicx de Weverie sterck vergaderden in haerlieder huusen, blyvende daer ligghende wel ghewapent, sonder van daer te wille scheeden tot zy justicie hebben sauden.

Item, tswuensdachs wasser ghedaen ende gheleyt in Chauselet, by den dekin van den Witte Caproenen, eenen Lievin Van der Straten, die men zeyde van der colegie ende in de sauvegarde zynde, ghelyc de voornoemde IIII gezellen.

+ f^o 28 v^o

(1) De werkstaking brak inderdaad op 26 October uit; zie de Kronijk van Vlaenderen, D. II, bz. 114.

(2) De neringen ‘van der plaetsen’: de temmerliede, de metssers, de plaesterers, de ticheldeckers, de saghers en de stroedeckers, zie Kronijk, D. II, bz. 242.