Dagboek van Gent van 1447 tot 1470. Deel 1

[p. 128]

Ballynghe.

Item, in dit scependom waren ghebannen zekere persoonen, met diverschen fellen wonderlicken tytlen.

⁺ Item, al was 't zo dat Mer Gheeraert Van Ghistele, hoochbaeliu van Ghendt, nyet weder en dorste commen te Ghendt, om dat achter hem ende de souverayn⁽¹⁾ de mare liep dat zy den voorschreven Daneel, Lieven ende Lieven bedroghen hadden ende qualic haerlieder belofte ghequydt, niet min myn gheduchte Heere zant zyne commissaryssen te Ghendt, ende de wet wart vermaect achtervolghende der costumen; maer zy was eerst uutgheroupen, mits dat de kiezers nyet eens gheworden en consten, tsondaechs-avont, up Onser Vrauwendach alfougst, ontrent den X hueren in den avondt, daer 't volc wel quam ghewapent ende in groter menichte⁽²⁾, want daer inne zeere verwonderde; ende waren de scepenen huutghegheven dese die hier naer volghen: Jan Halaert, alias Pertchevale, Lievin de Pape, Laureyns Van der Eecken, Gheeraert Van Massemen, f^s Daneels, Heynderic De Wale, Jan Leys d'aude, Lubrecht De Stoppelare, Daneel Van den Bossche, Seghere Bollaert, Claeys De Tolleneere, Heynderic De Muenck, Matthys Pehaert ende Jan Van Meerendre; scepenen van ghedeele: Claeys Van der Zickelen, Pieter Weytiers, Adriaen Mulaert, Jan Van Vaernewyck, f^s Sanders, Willem Pottier, Lievin Arends, Joos Van Leyns, f^s Jans, Jacob Goetghebuer, Lievin Minne, Jan De Loose, Jan Wandelaert, Pieter Van den Haute ende Jan De Somere⁽³⁾.

Binnen desen scependomme ghebuerden vele wonderlicke vremde zaken, te wetene, corts naer alfougste, sant myn gheduchte Heere in de stede van Mer Gheeraert Van Ghistele,

+ f^o 27 v^o

(1) De souverein baljuw, Colaert de la Clite.

(2) Die drukking op de kiezers wordt bevestigd door het manifest van den hertog op 31 Maart 1452 tegen de Gentenaars gericht, afgedrukt bij Gachard, Documents inédits concernant l'Histoire de Belgique, D. II, bz. 103.

(3) Zelfde lijst in de Stadsrekeningen over 1451-52, f^o 165 r^o en in het Memorieboek, D. I, bz. 233-34.

[p. 129]

eenen Symon Van Harbaiz⁽¹⁾, van Brucele waert te Ghendt, om zynen eedt te doene van den hoochbaeliuscepe, 't welcke hy dede naer de costume.

Item, de zelve Symon wart verlaten by den prince, ende Mer Gheeraert Van Ghistele brochte weder de commissie, ende swoer als hoochbaelliu van Ghendt, tsvrindaechs den eersten dach octobris.

Item, tsmaendaechs den IIII^e van der zelver maent, waren vonden ghestroyt ontrent den Scepenhuuse diversche brieven, in substancien inhaudende:

Ghy, slapscheten van Ghendt,

Die nu hebt 't regiment,

Wy en zullen 't hu nyet meer ghewaghen,
Maer zullen 't eenen nyeuwen Artevelt claghen.⁺

Int dwelcke de wet ende 't volck eensdeels beroert waren.

(1) Simon d'Herbaix, heer van Marckhoven; hij bleef slechts eene maand in bediening.

+ f^o 28 r^o