Dagboek van Gent van 1447 tot 1470. Deel 1

De veranderynghe van der Wet.

Dat wart zo ende up die maniere ende conditie tsvrindaechs VI^e marcii, by den drie Leden van deser stede accoordabelic gheconsenteert.

Ende dat consent ghedaen wesende, zo sant myn geduchte Heere te Ghendt zyne baellius ende dienaers, te wetene: Mer Gheeraert Van Ghistele, ruddere ende hoochbaelliu, Jan Quistebaut, onderbaelliu, Jan Willebrant, Joos Van Gryspeeren, Pauwels Goethals ende Jacop Van der Velde, dieneers, gheheeten tsheeren cnapen, ende met hemlieden, omme de wet te vernyeuwene⁽²⁾, zyne commissarissen, te wetene: Meester Wautre Van der Amandre⁽³⁾, meester Fransoys Van Ghendt⁽⁴⁾,

(2) De akte van aanstelling der nieuwe commissarissen voor de wetsverkiezing is uit Brussel gedagteekend, 8 Maart 1450, uitgeg. in Handelingen der Maatschappij van Geschied- en Oudheidkunde van Gent, D IV (1901), bz. 58 vlgde.

(3) Walter van der Amandre, proost der O.L. Vrouwkerk te Brugge en meester der rekwesten van 't hof.

(4) Frans van Ghendt, deken van Kortrijk en ontvanger van Vlaanderen.

[p. 84]

Jacop Scaeck, hooghe baelliu van Curtrycke, ende de prelaet van Sente Baefs⁽¹⁾, de welke 's dicendaechs X^e martii, dwelcke was in de alfvasten-weke XLIX, ordineerde metgaders beede de dekenen, de kiesers, te wetene: van 'tsheeren weghen, Lievin Borluut, Ynghelram Hauweel, Jan Van Hoevelde, f^s Claeys, ende Fransoys Baert; van den neerrynghen, Gillis Bauwins, Gheeraert van den Dycke; van der weverien, meester Pieter Goetghebuer ende Jan De Bels, f^s Nychasis, de welcke kiesers cooren scepenen, die uutghegheven waren up den⁺ zelven dicendach, als men pleeght uut te ghevene t'alfougst, tsnavons ontrent den VI hueren, alzo hier volghen: Scepenen van der kuere, Ector Van Veurhaute, Lievin Van der Stichelen, Robbrecht Van Meerendre, Pieter Sersymoens, Roegier Everwyn, Jan De Conynck up de Mude, Roelant Van Wedergraete, Jan de Vriese, Lievin Uuten Dale, Jan(?) Van Pottelsberghe, Jan De Cuupere, Jan Van den Bossche, Gillis Tant. Scepenen van ghedeele, Jacob Uuten Hove, Lodewyck D'Hamere, Rache Van Yssche, Jan Uuten Hove, f^s Symons, Heynric De Muenck, Heynric De Wale, Jan Van der Moure, f^s Jacobs, Jan Goetghebuer, f^s Gheerts, Willem Seyssone, Jan Cloosterman, Jan Arents, mets, Jacop Van der Muelne, hautbriel, Dieric Van Scaubrouc⁽²⁾.

Item, den XXIII^en april, in dit scependom XIIII^e vyftich, zo quamen voor scepenen van der kuere in wettelicke ghebannen vierscare de maghen, vrienden van wyle Philips Van der Vondelen ende zynen zoonen, de welcke versochte wet up Claeyse Van Munte, f^s Willems, ende zyne medepleghers, van dat zy den voorschreven Philips ende zynen soone brocht hadden by fayte van levende lyve ter doot, daer omme dat zy stonden inne ghedaecht ter zelver vierschare als up haer

(1) Willem II van Bossuyt, abt van St-Baafs van 1418 tot 1454, Van Lokeren, Histoire de St-Bavon (Gand, 1855), bz. 142 vlgde.

+ f^o 10 v^o

(2) Memorieboek der Stad Ghendt, D. I, bz. 229 en Stadsrekeningen over 1449-50, f^o 53 v^o: ‘Int voornoemde jaer duust vierhondert neghene ende veertich up den X^sten dach in maerte waren ghemaect scepenen...’

[p. 85]

uuterste wet, om wetteloos te makene, by alzo dat zy nyet en compareerden ten zelven daghe, alwaer brocht wart by eenen duerwaerdre van den heere van den edelen Rade ons geduchts Heeren een mandement, bevelende den hooghen baelliu ende syne officiers ende dienare nyet te stane over de zelve wettelichede, anghesien dat de mesdadeghe daer af hemlieden te rechte ghestelt hadde voor [hem] ende zynen Raedt, by den welcken 't versouck van partien nyet voort en ghync; maar naer der handt quammer een rappeel van den voorschreven mandemente, ende doe ghync de wettelichede voor[t] naer 't prevelegie, ende wart de zelve Claeys verbannen in vierscharen ende alle zyne medepleghers, naer 't poynt van prevylegie mentioen makende van soendynckbrake.

Hier naer tsmaendaechs XXVII july was collatie⁽¹⁾, ter welcker men den volcke te kennen gaf zekere poynten, die gheadvyseert waren by den ghedeputeerden van 's princhen ende der stede weghe, ende oock ghecorrigiert by den prinche, alzo die hier naer volghen:

(1) Stadsrekeningen over 1449-50, f^o 58 r^o: ‘Item ghegheven ten beveelne van scepenen van ghedeele den ghesellen van der penne van scriftueren te makene ende copyeerne die ghegheven waren den goeden lieden van den dryen leden anclevende der colacie die ghehouden was den XXVIII^sten dach in Hoymaent...’.