Dagboek van Gent van 1447 tot 1470. Deel 1

[1450]

⁺ Ten welcken de prince hem gheensins voughen en wilde, nemaer⁽²⁾ de zaken bleven noch aldus staende tot 's maendaeghs XXVI in lauwe⁽³⁾ anno XLIX⁽⁴⁾. Doe waren ontboden ende by den prince vergadert in zyne stede van Mechelen de drie Staten van den lande van Vlaenderen⁽⁵⁾, dat 's te wetene, de prelaten, de edele, ende alle de steden, zonder Ghendt alleene, dat en wasser nyet noch oock ontboden. Daer wart gheordonneert ende by mynen heere gheconsenteert dat zekere ghedeputeerde, van der zelver drie staten weghen, commen mochten te Ghendt

+ 1450.

(2) Nemaer, maar.

(3) Lauwe. Lauwmaand, januari.

(4) 1450 N. St.

(5) Dit wordt bevestigd door het Dagboek, verder f^o 166 v^o; Gachard, Documents inédits concernant l'Histoire de Belgique (Bruxelles, 1835), D. II, bz. 102; door Van Lerberghe's Audenaardsche Mengelingen (Oudenaarde, 1845), D. V, bz. 280; Hanserecesse (uitg. door G. von der Ropp, Leipzig, 1876-92), D. III, bz. 436, n^r 575; enz.

[p. 81]

ende met den goeden lieden spreken oft zy eeneghen goeden middele oft wech ghevinden costen. So langhe onderspraken zy hemlieden met dien van Ghendt, als dat beede de dekenen 's maendaechs voor noene, den IX^e in sporcle⁽¹⁾, te kennen gaven den ghemeente dat de zake hemlieden te lastich was om te handelne, ende dat men by dien stellen wilde zeker persoonen uut elcken lede even vele, ende die en zouden nyet sluten men zoud't al vooren den ghemeente te kennen gheven, ende waren zy 's nyet ghepaeyt, zo en zoud't nyet zyn dat zy ghedaen zouden hebben; dwelcke den tiensten was van february tsdysendaechs, naer 't overbrynghen van den drie leden, alzo gheconsenteert wart.

Ende achtervolghende dien, waren ghecoren, eerst van der Poorterien, Pieter Sersymoens, Jacop Van Ravescoot, Symon Borluut, Ynghelram Hauweel⁽²⁾, Claeys Van der Sickelen⁽³⁾ ende Lievin Zoetamys; ende van den Neerrynghen, Lievin Van der Stichelen, Jan Van den Bossche, crudenier, Gheerolf Goethals, Gheerolf Van der Beke, Jacop Van Everghem ende Arendt Van der Cruucen; ende van der Weverien, Pieter De Rycke, Arendt De Brune, Jan Goetghebuer, Jan De Coninc up⁺ de Mude, Jan de Belts ende Jan Van der Zwalmen,

Hier naer 'ts vrindaeghs penultima februarii⁽⁴⁾, de colatie vergadert, daer gaven de zelve XVIII persoonen ghedeputeerde te kennene dat myn gheduchte Heere af hebben wilde de wet ende een andre ghemaect, en dat zy daer nyet in ghelaborene⁽⁵⁾

(1) Sporcle, Sprokkelmaand of februari. Tot op dit oogenblik hadden de twee hoofddekens Lieven de Pottere en Jacob van den Hane, der weverij, het beleit der stad in handen genomen; daar hen dit te zwaar viel, vragen zij door eene commissie van burgers vervangen te worden.

(2) Klerk van schepenen der keure, vroeger te Gent gebannen in 1436; zie Kronijk van Jan van Dixmude, bij de Smet, Corpus, D. III, bz. 57.

(3) Hij bewoonde de Groote Sikkele op de Hoogpoort; zie Th. de Limburg-Stirum, La Grande Faucille in Messager des Sciences Historiques de Belgique (Gand, 1882), bz. 125.

+ f^o 9 v^o

(4) Vrijdag 27 februari 1450.

(5) Ghelaborene, verkrijgen.

[p. 82]

en consten dat en moeste gheschien, maer hadden gheadvyseert dat men ontbieden zoude alle de casselrien van Ghendt, metgaders den drie Staten ende den drie Leden van Vlaendren; dat wart alzo gheaccordeert. Tswoondaeghs, den vierden van maerte, waren te gadre binnen Ghendt, up den Colatie-soldere, de ghedeputeerde myns gheduchts Heeren, myn heere de bisscop van Doornycke ende andre⁽¹⁾, voort de voorschreven XVIII persoonen van der steden, in de casselrien, de drie leden van der stede⁽²⁾.

Daer was ghegheven te kennene dat myn gheduchte Heere de wet als vooren af hebben wilde ende andere ghemaect, ende elc gaf 't te kennene in 't zyne by eender sedulle hier naer ghecopieert van woorde [te woorde]:

‘De nyeuwe kuere, die men doen zoude om mynen gheduchten heere ende prince te ghelievene, zo wort omme te vulcommene ende onderhaudene ende hem daer inne eere te bewysene alzo elc goet subgyt ende ondersaten sculdich es te doene zynen natuerlicken prince ende heere, zoude men doen in alder manieren dat men de kuere van der wedt binnen deser stede gheploghen heeft te doene, zonder daer in yement vermindert te werdene 't prevylege danof mentioen makende, costumen noch usagen, want mynen gheduchten Heere zynen goeden lieden van deser zyner steden boven allen andren bemint ende ne wil se negheensins verminderen in dese zake noch andersins in eenegher wys; ende by deser kueren zoude men oock stellen zulcke goede dueghdelicke persoonen in de wet, alzo dat alle goede lieden van deser stede daer met zouden ghepaeyt ende te vreden wesen. Hier met zoude men groote heere ende vrientscepe doen ende bewysen den zelven mynen gheduchten Heere, anghesien dwoort dat hy ghesproken heeft, ende dese stede bewaren van allen dangiere, die andersins

(1) Die afgevaardigden waren Jean Chevrot, bisschop van Doornik, Hugues de Lannoy heer van Santes, Simon de Lalaing, Louis de Gruthuuse en anderen. Zie verder f^o 166 r^o.

(2) Men moet lezen: ‘XVIII persoonen van der steden, ende de casselrien ende de drie Leden van Vlaanderen’.

[p. 83]

daer huute zouden moghen spruuten, ende zonder de goede lieden van deser stede daer met hem zelven groote eere doen⁺ ende bewysen, ende behauden in al huerlieder prevylegien, rechten, costumen ende huusagen met goeder eendrachticheden ende wysheden, daer by zy zouden wesen gherecommandeert in allen plaetsen in duechden ende heeren, alzo verre als men daer af zoude moghen weten te sprekene, alzo wel te hopen es, by den gratien Gods, dat zy overmeerckende wie's daer ancleeft, doen zullen.’

Voort wasser toe ghezeyt by monde elcken in 't zyne dat de zelve nyeuwe wet dienen zoude tot Alfougste naestcommende; binnen dien zoude men pynen⁽¹⁾ af te legghene 't ghescil tusschen mynen gheduchten Heere ende der stede up dat men conste; const men 't nyet ghedoen dat dan de stede ende elc staen zoude in al 't zelve daer 't nu staet.

+ f^o 10 r^o

(1) Pynen, trachten.