Commentaar op het Hooglied

CLXXII Hoe die bruut nv noot den brudegom

NV die bruut al ouer siet
Hair kinder ende hair reine diet
Die uan duechden te dÜechden gaen
Ende dat quade vast wederstaen
Entie soete heilighe geest
Hem geuet in salicheit volleest
Ende si uast in duechden groeien
Ende mit goeden werken bloeien
Ende bringen goeder werken vrucht
Salichlike mit alre tucht
Begaert si dat hair brudegome
Te hare in haren houe come
Ende vernemet hoe bequame
Die vrucht is ende sonder blame
¶ Dair om spreect si ter vairt
Miin lief come in sinen gaert
Ende ete uander appel vrucht
die sijn in saligher tucht
veniat dilectus meus in
ortum suum et comedat
fructum pomorum suorum lxxiij
¶ die appel vrucht siin die werken
Die alle salighe inder kerken
Altoes doen des bidt die bruut
Dat god come ende nemense uut
Ende verwandelse salichlike
In hem seluen ewelike
So dat hise in allen goede
In hem vaderlike behoede
Ende si nemmer van hem sceiden
Een luttel moet wi hier beiden
Ende merken wat dat moge sijn
So dattie bruut spreect dat lief mijn

[fol. W22vb]

 

Com in sinen haue mit tocht

35

Ende ete sire appel vrocht

 

Hof cruut paradijs bome

 

Hoort alden brudegome

 

Ende al dattie bruut ooc heuet

 

Dat siin: want si bi hem leuet

40

Dat spreect si dat sine si

 

Ende niet hair merct ooc hier bi

 

Dat werke uan penitencie spise

 

Gods siin als ic v bewise

 

Bi sinte bernaert die dus seit

45

Mine penitencie is wairheit

 

Is ihesu cristi soete spise

 

Diese wel doet dats die wise