Commentaar op het Hooglied

(1975)–Anoniem Commentaar op het Hooglied– rechtenstatus


CLXXIIJ Hoe die brudegom lieflike der bruut andwoort DIe brudegom heeft wel vernomen Dat siin lief hem heet comen In siin hof dat si te samen Vroiliic siin al sonder scamen 5[regelnummer] Ende dat si hem te sire vrucht Ghelaten heuet mit soeter tucht ¶ Dair om spreect hi minnentlike Mine zuster doechden rike Mine bruut mine lieue care 10[regelnummer] Nv werdic wel andi geware Dattu gairne sijs bi mi Ende dair om wil ic naken di Du bids mi dat ic te di come In minen gaert. nv nem des gome 15[regelnummer] Dat ic bin comen in minen gaert Ende ghemayet uan sure airt Mine mirre mit minen cruden Die goeder roke niet connen huden veni in ortum meum soror 20[regelnummer] mea sponsa messui mirram meam cum aromatibus meis comedi fauum cum melle meo bibi vinum meum cum lacte meo lxxiiij
[Folio B37ra]
25[regelnummer] Ay merket niet deser tweier woorde Hoe soete si siin uan einde toorde Die bruut begheert dat hi come eten Ende hine heues niet vergheten Dat hi doir hare minne is comen 30[regelnummer] Ende heeft den bittren vernomen Dats die mirre die hi ghemaiet Heuet die si hadde ghesayet Want si was inder misdaet Dair hi om starf ans crucen graet 35[regelnummer] Des heuet hi die mirre ziin Ghelesen mitten crude fiin Dat siin die an hem ghelouen Ende altoes mitter herten bouen Them gheclommen si die hi 40[regelnummer] Altoes nemet hem seluen bi Dus heuet hi lustelike gheten Met sinen lieue dit mogedi weten Mer nu merket wel ende verstaet Dat hi spreect sonder baraet 45[regelnummer] Miin suster. dats want si siin erue Mit hem sal bruken mit bederue Ende dat hi spreect mine bruut Alst hier uoren is beduut Dat meent hi want si anders niet 50[regelnummer] En doet dan si dair om spiet Hoe si hem kinder moge winnen Die hem uan goeder herte minnen

Vorige Volgende

CLXXIIJ Hoe die brudegom lieflike der bruut andwoort