Commentaar op het Hooglied

(1975)–Anoniem Commentaar op het Hooglied– rechtenstatus



[Folio W22ra]
CLXXI Vander bruut houe ende wat hair let NV die bruut is wel verloest Ende in haren anxt vertroest Die si hadde: om dat si striden Emmer moet tallen tiden 5[regelnummer] Iegen den duuel ende sine scare Des was si in groten vare Mer nv is si te ghemake Want si weet bi welker sake Si die crone sal ghewinnen 10[regelnummer] Sonder uechten merct mit sinnen ¶ Aquilo mit dire scare Des spreect die bruut hier openbare Stant op: dats makedi hin Com du auster tot mi in 15[regelnummer] Ende ouerwaye minen hof Dair vloeien sine crude of surge aquilo et veni auster perfla ortum meum et fluunt aromata illius lxxij 20[regelnummer] ¶ Die bruut wil geuen lusticheit Haren leden na arbeit Ende uut haren garde veriagen Quaetheit diese plach te plaghen Aquilo mit waren woorden 25[regelnummer] Is die wint die waeyt van noorden Dese is fel ende altoes cout Ende benemet menichfout Werke die men wel doen mochte Alre vrucht is hi onsochte 30[regelnummer] Dese wint beduut coringe Des duuels ende sire sameninge Die mit menigen strijt anuechten Die kerstenheit ende hare knechten Mit uleescheliker begaerde 35[regelnummer] Mit toorne. gramscap ende houairde Mit traiecheit. ghiericheit mit nide Mit menigherhande stride ¶ Die bruut veriaghet desen gewis Want hi fel ende geuenijt is 40[regelnummer] Ende si bidt dat auster come
[Folio W22rb]
In haren hof thare vrome Auster is die wint uan suden Die bequame is allen luden Want hi soet is ende heet 45[regelnummer] Ende maect die velde van vruchten breet Hi geuet der vrucht soete regen Hi helpt mit ons heren zeghen Die siele hi uordert wel te werken Bi desen winde moghen wi merken 50[regelnummer] Des heiligen gheests soeticheit Die elken mensche maket bereit Ende bequame talre doghet Hi geuet vrucht dair bi verhoget Werden alle die gode minnen 55[regelnummer] Dese roept die bruut mit zinnen Dat hi veruulle mit sinen gauen Hair kinder die na doget grauen Ende dat hi mit sire soeticheit Hair kinder werke make breit 60[regelnummer] Ende dat hi tot hair ooc inbringe Die noch siin in sduuels dwinge Die bruut bit dat auster come Ende bewaeye tallen vrome Haren hof mit soeticheit 65[regelnummer] Dat hi uan roke ghebreit So dattie soeticheit uan leuen Dat in gode is verheuen Also ruke die buten siin Dat si comen int selue scijn 70[regelnummer] Entie suete heilige gheest Hem geue dair toe ziin uolleest So dat si mogen cortelike Comen herde vlitelike Dat si mogen tharen vromen 75[regelnummer] Int kersten gheloue comen So datsi uan goeden werken Ander lude mede sterken Als hier bouen is gheseit Is die heilige kerstenheit 80[regelnummer] Een hof uol uan soeten crude
[Folio W22va]
Ende uan bomen dat siin lude Die ouer al mit goeden namen Ruken ende gode siin bequame Want si els niet in haren zinnen 85 En roeken dan hem te minnen

Vorige Volgende

CLXXI Vander bruut houe ende wat hair let