Commentaar op het Hooglied

CLXIII Vander bruut leden

DEr bruut ogen siin prelaten
Die leiden ter rechter straten
Des hemels alle uolc mit lere
Dat sise voeghen tonsen here
Eendrachtelijc in enen gheloue
Mit ere minne in gods cloue
Mit desen oghen siet die kerke
Goet ende quaet in allen werke
Mer die brudegom heeft vernomen
Een oghe dair hem of is comen
Dair siin herte is mede ghewont
Dats ene gheloue talre stont
Want die kerke anders niet
Dan god in ere minnen siet
Vander bruut als die hare
Siin die onderdane openbare
Die wassen onder die prelaten
Diese alte rechte saten

[fol. B34vb]

 

In enen gheloue in ere minnen

20

Mit eendrachticheit uan zinnen

 

So siin die onderdane allene

 

Dits dat ic mitten hare mene

 

Hier mede behaghestu mi

 

Dat ic bin ghewont omdi

25

Dair om wes uan sorghen vri

 

Ende strijt sere ic bin mit di

 

¶ Hoe scone siin die mammen dijn

 

Lieue suster ende bruut miin

 

Dine borsten beter sijn

30

Dan enigherande slacht uan wijn

 

Van dire salue is die roke

 

Bouen alre cruden smoke

 

Dine lippen siin als honich raten

 

Altoes drupende ter baten

35

Honich ende melc te samen

 

Siin onder dine tonge bi namen

 

Diinre cleder soeten rooc

 

Is ghelike den wierooc

 

Du sijs een besloten hof

40

Fonteine ghetekent wel mit lof

 

Dine vutlate alst paradijs

 

Der appel greine al uol die rijs

 

Mit alrehande appel vrucht

 

Nv merket die glose hier of mit tucht

45

¶ quam pulchre sunt mamme

 

tue soror mea sponsa mea

 

pulchriora sunt vbera tua

 

vino et odor vngentorum

 

tuorum super omnia aroma\ta

50

fauus distillans labia

 

tua sponsa mel et lac sub

 

lingua tua et odor vestimen\torum

 

tuorum sicut odor thuris lxvij