Commentaar op het Hooglied

CLXIJ Hoe die brudegom troest die bruut ten stride

Die bruut mach redelike spreken
Nader rechter minnen treken
Soete vrient lieue here
Ic ontsie mi alte sere
Want ic moet in allen striden
Menighe sware pine liden
Dat ic niet en mach volstaen
In stride die mi leggen aen
Van duuel uan werelt ende van vleesch
Elc wil hebben sinen eesch
Des behoeuic dinen troest
Dair ic mede bliue verloest
Want uan dire ghenaden
Wil ic alle pine versmaden
Hier om spreect die brudegoom
In minliken soeten room

[fol. B34rb]

 

Mine suster mine bruut

 

Du heues ghewoont al uut ende uut

 

Miin herte du heues mijn herte gewont

20

Minnentlike talre stont

 

wlnerasti cor meum soror

 

mea sponsa mea wlne\rasti

 

cor meum. lxv

 

¶ Merket hoe troestelike woort

25

Die brudegom bringet voort

 

Ontsiestu di des groten tiden

 

Enter pinen inden striden

 

Die du heues in dine minne

 

Merc vriendelic in dinen sinne

30

Wat ic doirdi hebbe gheleden

 

Ende vromelijc om di ghestreden

 

Ende hebbe alle quaet verwonnen

 

Des saltu mi weder ionnen

 

Wanttu heues mijn herte ghewont

35

¶ Merket ende proeuet in welker stont

 

Die siele die bruut wonde therte

 

Des brudegoms in sware smerte

 

Anden cruce dair hi hinc

 

Entie bitter doot ontfinc

40

Van rechter minnen in dien stonden

 

Ontfinc siin herte sware wonden

 

Hoe mocht hi vriendeliker ghestreden

 

Voir di hebben ende meer gheleden

 

¶ Noch suster bruut proef vorder mere

45

Hoe du wairs in groten zere

 

Ende verdoomt ewelike

 

En had ic di niet vriendelike

 

Verlost vut des viants bande

 

Die di hadde in sinen pande

50

Ontfermicheit die wonde doe mi

 

Dat ic dair uut verloste di

 

Dair om wardic door di mensche

 

Nu bistu bruut na minen wensche

 

Want du wins mi lieue kinder

55

Vandi heb ic ghenen hinder

 

Du sijs ooc mine suster kare

[fol. B34va]

 

Want du salte openbare

 

Mit mi besitten mijns vader erue

 

Ewelijc te dijnre bederue

60

Wes wiltu di dan ontsien

 

Ende om dogen van mi tien

 

Ende om minne dat liden

 

Strijt coenlike ic sal mitti striden

 

Wanttu heues mijn herte ghewont

65

Minnentlike talre stont

 

¶ In een vanden ogen dijn

 

Ende in enen hare fijn

 

Diin hals: merke wat dit beduut

 

in vno oculorum tuorum

70

et in vno crine colli tui lxvj

 

¶ Dat hi hier spreket ter bruut

 

Du ontsies di an te nemen

 

Stride die di wel betemen

 

Saltu mit mi erue ontfaen

75

Du moets vechten sonder waen

 

Want ic hebbe mit allen leden

 

Eerst om dine minne ghestreden