Commentaar op het Hooglied

(1975)–Anoniem Commentaar op het Hooglied– rechtenstatus


CLVIII Hoe die brudegom soeket sine vriende DIe brudegom heeft wel mit lust Mitter seluer bruut gherust Ende ghewerscapet ende ghesproken Des is uan minnen al op loken 5[regelnummer] Soetelijc siin herte ende sinne Dair om spreect hi int beghinne ¶ Ic sal toten berghen gaen Die uan mirren al uolstaen Entie uan rechten wierooc 10[regelnummer] Altoes siin in goeden rooc vadam ad montem mirre et ad collem thuris lxiij ¶ Verneemt wat dese berghe siin Dair die brudegom so fiin 15[regelnummer] Na sinen luste wil in gaen ¶ Dese berghe sulwi verstaen Die uan mirren al vol siin
[Folio B32va]
Alle mairtelaren fijn Die al door die minne gods 20[regelnummer] Ende uolbringhe siins geboods Bitterheit tot allen tiden Van rechter minnen gaerne liden Hongher dorst ende noot Ende nochtan die bitter doot 25[regelnummer] ¶ Dese mirre is bitter ende onsacht Van smake. mer uan groter cracht In medicinen aldus is Der martelaren dogen gewis Van buten ist een bitter liden 30[regelnummer] Die minne gods doetse verbliden Mit groter verduldicheit Dat si scuwen en geen leit ¶ Hier toe gaet die brudegoom Ende nemet hair mit hulpe goom 35[regelnummer] Ende sterketse ende helpt Ten lesten hi hair doget stelpt Mit hem seluen ewelike Want hi geuet hem siin rike ¶ Die soete ihesus wille ooc 40[regelnummer] Gaen ten hoeuelen van wieroec Wierooc als hi is ontfenghet Soeten rooc hi ter nosen brenget ¶ Dese houele siin confessore Die altoes liggen inden ore 45[regelnummer] Gods: dat aldie werelt duut Dese siin stille ende ouer luut Altoes mit innentliken sinne Bernende in die gods minne Biddende ende claghende noot 50[regelnummer] Die der sielen doet wederstoot Tesen wil ihesus die goede Gaen lieflike mit ootmoede Dat hi hair ghebet wil horen Ende om hair ghebet wil storen 55[regelnummer] Wat der kerstenheit mach daren Want hi wilse bewaren Wierooc als het is ontfenghet
[Folio B32vb]
Soetelic het ter nosen brenget Roke die wel is bequame 60[regelnummer] Dus is gode wel ghename Alder goeder luder bede Dat ontfenghet is uan innichede Mitten viere uander minnen Si moghen uan gode winnen 65[regelnummer] Wat si willen ende begaren Tesen gaet god sonder sparen Als hi hare ghebede hoort Ende in dÜechden ooc siet voort

Vorige Volgende

CLVIII Hoe die brudegom soeket sine vriende