Commentaar op het Hooglied

CLIX Ooc hi die bruut prijst in haren leden

NV die brudegom is comen
Ten berghe dair hi heeft vernomen
Hoe si leuen alte rechte
Der bruut kinder sine knechte
Des is hi vro ende keert weder
Tsire lieuer bruut hier neder
Ende spreectse an mit soeten sinne
Want hi soeticheit had inne
¶ Du sijs scone altemale
Mine vriendinne in ware tale
Enighe vlecke is in di niet
Als men di te rechte besiet
Com uanden libaen mine bruut
Com uanden libaen ouer luut
Com du suls wel hoghelike
Ghecroont siin in mijn rike
Vanden hoofde amana
Ende van sanir al dair na
Ende vanden berghe hermoen
Dit siin drie berghe in hair doen
Die ons sonden al bewisen
Wie dair of vliet god salne prisen
Ende uander felre lewen holen
Ende uander liebairde scolen
tota pulchra es amica
mea et macula non est in
te veni de libano sponsa

[fol. b33ra]

 

mea veni de libano veni co\ronaberis

 

de amana de ver\tice

30

sanier et hermon de cu\billbus

 

leonum et de mon\tibus

 

pardorum. lxiiij

 

¶ Nu die here die brudegom

 

Mit wairheit ende mit gansen rom

35

Der bruut lede heuet besien

 

Dair men alle doget of mach tien

 

Want hi al heuet gheprijst

 

Alst hier bouen is bewijst

 

Want ware minne can niet liegen

40

Noch mit valscheit iement driegen

 

Des spreect hi mit bliden zinne

 

Du sijs te male scone mine vriendinne