Commentaar op het Hooglied

(1975)–Anoniem Commentaar op het Hooglied– rechtenstatus



[Folio B15va]
LIIJ Van des duuels waghene NV hoirt ic wil v doen ghewis Welc des duuels wagene siin Dair hi op uoert siin uenijn Grote quaetheit ende wreet 5[regelnummer] Te rechte des duuels wagene heet Die doir aldie werelt lopet Dat die goede seer becopet Dese waghen heeft vier rade Die der bruut doen scade 10[regelnummer] Wreetheit ende onuerduldicheit Coenheit ende onscamelheit Dese raden lopen wel Bloet te storten ende sijn fel Die onsculdighe mogen niet 15[regelnummer] Ghemeten sine liden verdriet Verduldicheit wart hier te stoort Wreetheit ontsiet gene moort Scaemte is uerworpen verre Als die heren worden erre 20[regelnummer] ¶ Twee pairden desen waghen trecken Die hem talre quaetheit strecken Wereltlike moghentheit Ende hair helper dair toe bereit Snellike dese wagen lopet 25[regelnummer] Dattie kerke sere becopet Want als die mogentheit der heren Haren sin also verkeren Dat si quaetheit niet ontsien Ende hair rade hem des verghien 30[regelnummer] Wee den goeden altoes dan. Die si mit felheit werden an Hier of spreket dauid wel Die quade sonder ende fel Wart ghelouet in begheringhen 35[regelnummer] Sire sielen in sinen dingen Wart die quade ghebenedijt Dus der groter quaetheit strijt ¶ Dese twe wrede pairde dragen Twee heren die der quaetheit wagen 40[regelnummer] Voeren om der werelt wijt
[Folio B15vb]
Dats houairde ende nijt Dese twee moirden ende verslaen So wat te gode is ghestaen ¶ Oncuuscheit is oec een wagen 45[regelnummer] Des duuels die mit groter plaghen Die kerstenheit ane vecht Ende verderuet menich gods knecht Dese lopet op raden vier Des bukes uolheit ende dat vier 50[regelnummer] Der quader lust ende der cleder sierheit Des uleesches gemac ende sachticheit Dese wagen wart ghetrecket Van twe pairden sere beulecket Dats wereltlike voirspoedicheit 55[regelnummer] Ende oueruloien uan rijcheit ¶ Twe heren dese pairde riden Die nemmer oncuuscheit vermiden Traecheit quaet te wederstaen Ende soetheit dair in uolgaen 60[regelnummer] Dese twe oncuuscheit iagen Ende driuen der oncuuscheit wagen Want oueruloet maect traecheit Ghelucke den quaden scier verleit Die wagen der onreinicheit 65[regelnummer] Menigen ter hellen leit ¶ Ghiericheit een wagen is Mit vier raden al ghewis Die menighen voert ter hellen wairt Die duuel altoes dair op vairt 70[regelnummer] Dat een is ontsienlicheit Van ghebreke dander versmaetheit Gods: dat derde onmenschelicheit Dat vierde is verghetelheit Op gode ende op die doot te denken 75[regelnummer] Dese rade die sielen drenken In die afgront uander hellen Dese trecken twee ghesellen In pairden wijs als ghiericheit Die te gader is bereit 80[regelnummer] Altoes ieghen gods ghebode
[Folio B16ra]
Eersomheit die siet si node Hair ghebrec is so groot Hi heeft altoes eens hallincs noot Si gadert ende sine weet wien 85[regelnummer] Des moet hair emmer leide ghescien ¶ Tander paert dat is vrecheit Tenighen gheuen is hem leit Altoes heuet hi rijcheit ghenoech Te losen is hem ongheuoech 90[regelnummer] Hi waent dair ewelike in doren Mer die duuel sal hem voren Dair hi nemmerme en wart sat Noch uerblijt uan sinen scat ¶ Een wagen is een wageman 95[regelnummer] Die dat herte nie vol ghewan Ende hiet altoes te hebben gaer Dat siin des duuels wagen zwair Die altoes opten mensche striden Mer gods enghele diese beriden 100[regelnummer] Ende verdrenken dese waghen Ende verderuen mit groter plagen Entie goede werden uerloost Van gods genaden ende sinen troest So dat die bruut wel sonderlingen 105[regelnummer] In sinen loue dus mach singen Singen wi gode alle eerlike Want hi is machtich ende rike Pairde ende hair op sitter mede Heuet hi uerworpen in swairts stede 110[regelnummer] Want si in waghen ende in paerden Hebben ghehoopt in hare gewerden Mer si sullen recht werden Inden name gods opter airden Dair om seit hi mine vriendinne 115[regelnummer] Dats wel die ganse minne Want hi was vrient in allen troest Eer hi si anden cruce verloest Dat si vrient was ende noch is Dat moghedi horen al gewis

Vorige Volgende

LIIJ Van des duuels waghene