Commentaar op het Hooglied

(1975)–Anoniem Commentaar op het Hooglied– rechtenstatus


LIJ Vanden gauen des brudegoms Die brudegom vermaent al hier Sire gauen menighe manier Die hi der bruut ghegeuen heuet Teerste is dat si bi hem leuet 5[regelnummer] Die des duuels was te voren Dat si uan hem nv is vercoren Dat verstaet men inden woorde Dair hi seghet na dien acoorde Mire ridinghe heb ic di 10[regelnummer] Gheliket ende ghemaket vri Die dope is dat rode meer Dair god ouer leet siin heer Dair die duuel om wart verbolghen Ende piint hem emmer na te volghen 15[regelnummer] Mit coringe ende mit sine wagen Dair die mensche of mach versagen Mer die siele die gods bruut is Ende in siinre minnen ghewis Die uerwint mit gods genaden 20[regelnummer] Den duuel enter sonden scaden Want ridderscap is. dair starc mede Weder staet des duuels quaethede Die sielen dat siin der duechden scaren Die mitter goeder sielen varen 25[regelnummer] Goede begheringhe ende reine Toocht ootmoedicheit ende gemeine Mit des reins ghebedes wapen Vlitelijc arbeit sonder slapen Vrese in werken ende in hoede 30[regelnummer] Vliticheit tallen goede Strijt altoes iegen den uiant Vaste staen in gods hant Des spreket salemon bet uoort Vander saligher bruut dit woort
[Folio B15rb]
35[regelnummer] Si is harde ureselike Der geuoegeder scaren ghelike Die scare die wel is ghesaet Is ureselijc dien si bi staet ¶ Noch moghen wi ene glose nemen 40[regelnummer] Die der letter wel mach getemen Hoe die bruut is wel ghelike Gods ridderscap sonder beswike Indie waghene pharaons Dats des duuels alles doens 45[regelnummer] Merket mit wairheit ende besiet Datter saligher siele niet Emmermeer der enghelen scare Mach gebreken : mer si neemt ware Te bescermen ende te bescudden 50[regelnummer] Alder heiligher kerken kudden Entie sielen die hoir toe horen Die enghele pleghen alte storen Des duuels macht ende sine gesellen Die altoes die goede quellen 55[regelnummer] Merket hier daghelijcs mere strijt Ende mere zeghe talre tijt Die die bruut al hier crighet Op ten duuel die hair an wighet Dan doe pharao verdranc 60[regelnummer] Mit sinen here an sinen danc Dair vacht men iegen vleesch ende bloet Hier vecht die siele mit ootmoet Iegen der deemsterhede scaren Die voir hair te niete varen 65[regelnummer] Dair voer tuolc wt egipten lant Hier vairt men reine in gods hant Pharao bleef dair doot Mit sinen wagene indes waters noot Hier wart die duuel vercrenket 70[regelnummer] Ende uleeschelijc lust verdrenket Dat was indes waters vloet Dits in screien ende ootmoet Dat bedude dat nv is

Vorige Volgende

LIJ Vanden gauen des brudegoms