Die historie van Christoffel Wagenaer

¶ Hoe dat Waghenaers Aep Pomerantzen⁷ Adt.

HEt was eenen Man te Padua, die welcke seer veel Pomerantzen in zijnen Hoff hadde, Wagenaer ginc daer voorby ende sach dit, so vraechden hy den Man, of hyse vercoopen woude? den Man seyde Ja, Waghenaer sprack, ick wil Morghen wederom by v comen.

7 Oranjeappels

[p. 113]

Des anderen Daechs quam Wagenaer weder daer, ende hadde zijnen Aep by hem, doen koft hy wat vanden man, ende hy gaf den Aep somwijlen oock een, den Aep adtse al op, met schaelen met al¹. Den Houenier sach dit met ghenoechten aen, dat den Aep soo lustich was. Waghenaer merckte dit, so vraechden hy den Man wat hy hebben woude, dat den Aep mocht zijnen buyck vol eten, den man dochte hy en cander niet veele Eeten, wandt hyse met die schellen Eet, ende op dat mael wasser daer int Lant soo vele, also datmender ontrendt, 6. ofte 7. om een Penninck cofte, alsoo dat den Man omtrent 4. ofte 5. Penningen eyschte. Wagenaer gaf hem dat gelt, ende sprack, laet den Aep binnen gaen, ende hem sadt Eeten, ick wil thuys gaen, ende hem tauont wederom haelen, den Man was te vreden, ende hy sette den Aep in eenen Boom, die welcke den Aep terstont ledich adt, stracx daernae spranck hy op eenen anderen boom ende maeckten die oock ledich, Also datter niet een op en bleef, desghelijcken dede hy oock met den derden ende oock den vierden, den gaerdenier dit siende, worde toornich, ende en woude den Aep niet meer laten eten, [113] maer hy nam eenen langhen stock, ende sloech den Aep wt den Boom, den Aep vlooch den Gaerdenier toe, ende crabden hem so gheweldich dat hem t'Bloedt langs zijn Schouweren liep. Dit worde Wagenaer gewaer, ende hy liep weder nae den Hoff, ende hy vraechden hoe het met den Aep was, ende of hy niet schier² sadt en was, jae sprack den Hovenier, hy heeft my meer als Duysendt Pomerantzen verslonden, ick gelooue dat hy den Duyvel binnen heeft, ende daer toe heeft hy my dus ghequetst, ghelijck ghy hier sien moocht, Doen begonste den Aep in Italiaens te spreecken, waeromme sloecht ghy my, hadt ghi my niet geslagen, ghy waert wel

1 Met schil en al

2 Bijna

[p. 114]

ongecrast bleuen, maer sonder lang te beyden nam Wagenaer zijnen Aep, ende ginck daer met door.