Die historie van Christoffel Wagenaer

¶ Wat Johan de Luna te Padua aenghericht heeft.

HEt gheschiede op een tijdt, dat Joannes de Luna spatzieren ghinck, gants alleen in die Stadt, so coemt hy in een Huys, daermen goeden Wijn tapte, alwaer hy noch andere goede Heeren ende Vrienden vondt sittende, die welcke oock lustich ende vrolijck waren, dese hadden twee Speel-luyden, die op de Pijpe⁴ speelden, [108] waer op sy

4 Zie blz. 17.

[p. 109]

niet veel en dochten¹ te Speelen, het welck Johannes de Luna verdroot, want hem van sulck speel het hooft seer dede, alsoo dat hy 2. ofte driemael seyde datse swijghen souden, maer sy en stoorden haer daer niet aen, maer speelden al op haer oude maniere. Doen dachte Johannes de Luna dat hy haer dat betaelen soude, gelijck sy weerdich waren, so wachten hy so langhe tot datse drincken souden, doen betoouerden hyse alle beyde, datse bleuen sitten ende hielden die Drinckbeeckers aende mont, ende sy en constense niet weder daer af crijgen, maer sy moesten also bespot ende sonder drinckgelt wechgaen, en hielden also die Drinckbeeckers aende mont, tot op den derden dach.

1 Deugden, bedreven waren