Die historie van Christoffel Wagenaer

¶ Hoe Johannes de Luna hem met Wagenaer ghecomponeert³ heeft, ende met hem die Touerie ende zwarte conste seer ghebruyckt heeft.

ALs nv desen voorschenen⁴ Johannes zijn eerste reyse so wel gheluckt was, heeft hy eenen seer grooten lust gehadt, met Wagenaer hem te vergeselschappen, om met hem die vrye conste te doen, ende te gebruycken, ge[89]lijck sy het best vermochten, so coemt hy daerom tot Wagenaer, hem te kennen geuende zijn meyninge, seggende: dat hy groote lust ende begeerte hadde, met hem Conversatie te houden, oock zijne metgesel te worden inder conste, daerom Wagenaer blijde wort, ende en dorstet niet beginnen, sonder consent van zijnen Geest, den welcken hy des auonts tot hem riep, hem te kennen geuende, Johannes de Luna zijn meyninge, waer ouer den Gheest wel te vreden was, hem

3 Eene overeenkomst gesloten

4 Te lezen voorschreven

[p. 92]

des Morghens antwoort geuende, het welcke Wagenaer seer wel geviel, also dat Johannes lange tijt by Waghenaer bleef alleen tot Padua, haren lust hebbende met den quaden Geesten, leefden in alle schanden ende sonden, haer beneerstighende, alleen met die duyvels conste, die sy alle dage ende nachten trouwelick bystonden¹.

1 Zich toelegden