Berliner Liederhandschrift vom Jahre 1568

[107]

Ein annder

Aůs gůethem wahn,
ich kůrtz besann,
zů gebenn mich, Jn dienst vnnd pflichtt,
hett gantz mit fleiß
rechtt trewer weiß,
mein sein vnnd gemůett, daraůff gericht,
důrch willig thaett,
gůnst, hilff vnnd rath,
zuerlangen,
ist alles mir entgangenn.

Das macht vngůnst,
der mir vmbsůnst,
zů archem lohn ermessen ist,
aůß falschem grůndtt,
zů seiner stůndt,
vergoltenn wirtt, sůlch boiser list
will vngespartt,
mein widderfartt
besinnen
auff besser schatz zu gewinnenn.

Jch hoff mein spill,
auff zeitt vnnd zill,
zu

[fol. 63v]

 

rechtenn pfall sich wiedderwendtt,

 

fillichtt beschertt

 

glůck daß noch wůrdtt,

 

mein trew behůitt, vnnd boß erkantt,

 

gnadt gůnst vnnd heill

 

mag mirs zů theill

 

noch werdenn

 

glůck iß noch vill aůff erdenn.