Berliner Liederhandschrift vom Jahre 1568

[81]

Ein annder

Erst hebt sich nott vnnd yamer an,
ich sich das ichs nitt wendenn kan,
so eß můs gescheidenn sein,
Trost mich
vnnd sprich
lebster mein,
Hertzallerliebster gesell
herwidder stell,
so frew ich mich sei wo ich woll.

[fol. 49v]

 

Jst scheiden ietz so [n]ehendtt hier,

 

so eill hertzlieb, ste zů trostenn mich,

 

Setz mich aůs pein vnnd grosser nott,

 

Jch will aůch nitt verlassenn dich,

 

Ergetz

 

zů letz,

 

den diener dein,

 

neig dich zů mir,

 

nhemandtt weiß,

 

wen ich kom zu dir.

 

 

 

Kein herter boß wůrdtt nehe kůndtt,

 

seitt ich nitt bei dir pleibenn mag,

 

Darůmb bin ich jns hertz verwůndtt,

 

Hilff einiges mir, ehe ich verzagh,

 

Nim whar

 

ich far,

 

vonn dir dahin,

 

mein Keiserjn,

 

glaůb mir das ich gantz ellendtt sein.

[Spreuk]

Wer ein vnglůck nitt meiden kan
Der gehe nhůr frisch mitt freůden dran,
Das leidt das man mitt freůden annympt
Jß des zů leichter wan eß einem ankůmptt.