Berliner Liederhandschrift vom Jahre 1568

[fol. 49r]

[80]

Ein annder

Jch weiß mir ein megdlein hůbsch vnnd fein,
hůtt dů dich,
Eß kann woll falsch vnnd frůndtlich sein
hůtt dů dich hůtt dů dich,
getrew ir nitt sei narrett dich.

Sei hatt zwei aůglein die praůn,
hůtt dů dich,
Sie hatt zwei aůglein die seindt praůn,
sei sicht dich an well důrch denn Zaůn,
hůtt dů dich, hůtt dů dich,
vertrew ir nitt, sei narrett dich.

Sei gibtt dir ein krentzlein woll gemachtt,
hůtt dů dich,
Sei gibttt dir ein krentzlein woll gemacht,
Fůr einenn narrenn wirstů geachtt,
hůtt dů dich, hůtt dů dich,
vertrew ihr nitt sei narrett dich.