Berlijnse liederenhandschrift

LXXXII.

Uis irme monde ein lieplich groes
quam mir in zuessem slaeffe.
Dair wairt mir alre soirgen boes,
die nacht ich niet en straeffe.
Mijn truren was zugangen gair,
mijn vreude wart dusentvalt.
Got hait sij selves gescicket daer,
en sach nie bilde so wol gestalt.

* Her mach ommer vrauwen sich,
die ir hers gudes gan.
Sy ist so rechte mynneclich,
das ich irs niet virgessen enkan.

Ir ougen stoende ir lieflich tzair
met trauwen onder schoissen.
Hedde die nacht geduert ein jair,
is en wer mir niet virdrossen.
Die stad ich ommer loeben wil,
dae mir die soesse droem geschach.
Mijn hertz hait alre vreuden spil,
vrou venus mijns dair guetlich plach.

Van groissen vreuden ich ontspranck,
mich duchte, waz mir wer geschien!
Mijn hertze gentzlich daer nae ranck,
wie ich sij me moecht[e] gesien:
dair nae wairt mir virlangen seir
nae der uisherwelten tzairt.
Got behoede ir wijplich eir,
das wonssch ich ir of alre vairt.