Berlijnse liederenhandschrift

LXXX.

Doirch vechten wairt ich uysgesant
in einen gairten wonnetlich,
dae ich veil goeder meister vant.
Ein schair van vrouwen mynnentlich
vant ich auch in dem gairten daer,
die nement daer der besten wair.
Ich machte mich in der schirmer schair,
ich vach und ranck und vrauden mich.

[fol. 133r]

 

* Die liebeste, die ich ye bekant,

2325

hait mich zu vechten dair gesant.

 

Der boitschaft wairt ich auch hermaent,

 

des vraude ich mich gair ynnentlich.

 

 

 

Wie solde ein truwer steder knecht

 

niet vechten doirch irs hertzen ger?

2330

Ein ros, zu vechten gair gerecht,

 

schicket si nae wonssche und willen mer.

 

Dae mit quam ich in gerant.

 

Ein ringelijn und ein wijsser bant

 

dede mer zu boetschaft das bekant,

2335

das ich doirch sij wer vrauden rich.

 

 

 

Der cleine bant mich vreuden sere

 

doirch ein soe mynnecliche bilde.

 

Doirch die ich vacht mit rechter gere,

 

die wil mer werden vroemde und wilde.

2340

Soe werde ich voirbas nommer vroe.

 

Vacht ich ye eenes moetes hoe,

 

soe vecht ich dan in jamers dro,

 

sus kommet die tzijt gair ongelich.