Berlijnse liederenhandschrift

XXIX.

Ich wonssche dir vroude und alles heil,
mijn liebeste vrouwe, mijn vreuden deil,
und al dijn lieplich hoibesch gebair
wonssche ich ein vrolich nyewe jaer:
me da vroude also veil,
als laubes spruisset in des meies tzeil,
wonssche ich dir liebeste vrouwe mijn,
ir soisse lijp, ir wijplich schyn.

[fol. 58v]

 

* Noch wonssche ich nu und zu aller tzijt,

895

das sich das bilde tzairt verblijt

 

und laissen truren varen hin,

 

sint das ich eme in wonssche beken.

 

 

 

O milde krist, wilt helffen mer,

 

das ich moge hain mijns hertzen beger -

900

soe wolde ich dich erwonsschen seir

 

nae vreude und heil die ommer meir.

 

Mocht nu geschien in deser tzijt,

 

die liebeste tzairt, die mir virblijt, -

 

und da mit lijp, hertz, moit bij sijn,

905

wonssche ich dir, soisse keiserin.

 

 

 

Doirch desen wonsch, so wil ich doch mich

 

behalden in vrouwe venus strick,

 

bij mir in dem hertzen nicht virgessen [...],

 

want ich diene in blauwe und in wijs

910

und bliben wil bis in mijn zijt,

 

dair zu so wil ich vurich roit

 

dragen zu dem oirden mijn

 

of dijn genade, mijn wiffliche schijn.