Het Antwerps liedboek. Deel 1. Teksteditie

[p. 196]

melodie Souterliedekens 1540b, ps. 83

[p. 197]

84 Een nyeu liedeken

[Commentaar]

1
Ic rede eenmael in een bosschedal.
Ic vant gescreven overal
Hoe dat een schoon maechdeken waer,
Te Bruynswijck staet een hooghe huys
Daer ic so gaerne waer.

2
Te Bruynswijck staet een hooge huys.
Daer siet een fijn maecht ter veynster uut
Met haer bruyn oogen claer.
Deselfde maecht wil ic hebben,
T cost mi wat het wil.

3
Si sach mi over de oxel an;
Si seyt, ic waer geen edelman,
Ic en waer niet haer gelike.
Si wil hebben een edelman,
Een schoon ende ooc een rijcke.

4
‘Joncfrouken, laet mi onbeghect.
Ic ben mijns goets een arm knecht,
Ic waer wel uus gelijcke:
Een rijc coopman wort wel arm,
Een arm lantsknecht wort wel rijcke.

5
Adieu joncfrouwe, ic vaere daerheer
- Ic sette u al in mijn deer -
Door eenen roosengaerde.
Daer sal ick u wachten een cleyne wijl
Daer sal ick u verwachten.’

6
Die dit liedeken eerstwerf sanck,
Een vroom lantsknecht is hi ghenaemt.
Hi hevet wel ghesonghen.
Hi drinct veel liever den coelen wijn
Dan twater uuter Donnen.