Het Antwerps liedboek. Deel 1. Teksteditie

(2004)–Anoniem Antwerps liedboek– rechtenstatus



[pagina 156]
melodie Fruytiers 1565, nr. 102

[pagina 157]
67 Van fier Margrietken [Commentaar] 1 Het soude een fier Margrietelijn Ghisteravont spade Met haren canneken gaen om wijn, Si was daertoe verraden. 2 Wat vantse in haren weghe staen? Eenen ruyter stille. ‘Nu segt mi, fier Margrietelijn, Doet nu mijnen wille, ja wille!’ 3 ‘Uwen wille en doen ic niet: Mijn moerken soude mi schelden! Storte ic dan mijnen coelen wijn, Alleyne soude ic hem ghelden!’ 4 ‘En sorghet niet voor den coelen wijn, Mer sorghet voor u selven. Die waert is onser beyder vrient, Hi sal ons noch wel borghen!’ 5 Hi namse in sinen witten armen, Heymelick al stille. Al in een duyster camerken Daer schafte hi doe sinnen wille. 6 Smorgens, ontrent der middernacht, Si ghinc haer kanneken soecken. Daer lach die moeyaert ende hi loech: ‘Het staet daer, teynden mijn voeten!’ 7 ‘Mer dat daer teynden u voeten staet, Dat sal u noch lange berouwen: Ic hebbe noch drie ghebroeders stout, Si sullen u dat hooft afhouwen!’ 8 ‘Alle u ghebroeders stout, Die sette ick in mijn deeren: Ick sal alle dese somer lanck Met Grietken houden mijn scheeren!’ 9 Ende hi nam eenen sneewitten bal, Hi stackse al in haer kele. Hi schootse tot eenderen veynsteren uut, Hi schootse al in die Dijle. 10 Teghen stroom quam si gedreven, Aen Sint Jans cappelle. Dat sach so menich fijn edelman, So menich jonc gheselle, ja gheselle.