Het Antwerps Liedboek. 87 Melodieën uit 'Een schoon liedekens-boeck' van 1544. Deel 1. Liederen
(1975)–Anoniem Antwerps liedboek–
Auteursrechtelijk beschermd
[pagina 70]
| |
Van fier Margrietken1.
Ga naar margenoot+ Het soude een fier Margrietelijn
Ghister avont spade
Met haren canneken gaen om wijn;
Si was daer toe verraden.
2.
Wat vantse in haren weghe staen?
Eenen ruyter stille.
‘Nu segt mi, fier Margrietelijn,
doet nu mijnen wille, ja wille.’
3.
‘Uwen wille en doen ic niet.
Mijn moerken soude mi schelden,
Storte ic dan mijnen coelen wijn;
Alleyne soude ic hem ghelden.’
| |
[pagina 71]
| |
4.
‘En sorghet niet voor den coelen wijn,
Mer sorghet voor u selven.
Die waert is onser beyder vrient,
Hi sal ons noch wel borghen.’
5.
Hi namse in sinen witten armen
Heymelick al stille;
Al in een duyster camerken
Daer schafte hi doe sinen wille.
6.
Smorgens ontrent der middernachtGa naar margenoot+
Si ghinc haer kanneken soecken.
Daer lach die moeyaert ende hi loech:
‘Het staet daer teynden mijn voeten.’
7.
‘Mer dat daer teynden u voeten staet,
Dat sal u noch lange berouwen.
Ic hebbe noch drie ghebroeders stout,
Si sullen u dat hooft af houwen.’
8.
‘Alle u ghebroeders stout,
Die sette ick in mijn deeren.
Ick sal alle dese somer lanck
Met Grietken houden mijn scheeren.’
9.
Ende hi nam eenen snee witten bal,
Hi stackse al in haer kele,
Hi schootse tot eenderen veynsteren,
Hi schootse al in die Dijle.
10.
Teghen stroom quam si ghedreven uut
Aen sint Jans cappelle.
Dat sach so menich fijn edel man,
So menich jonc gheselle, ja gheselle.
|
