Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 219 Een nyeu liedeken 1 WAt segt ghi pocghghers van Cleuen Van Gelder van Gulic me. Wat hebt ghi toch bedreuen. Met uwen stercken steen. Ghi hebt v gantsche geheele macht Met al v hulpers op ghebracht Ghy woudet Heynsborch winnen Maer si wisten wel bat van binnen 2 Hansken van Gelder ghy moecht wel zwijgen V pochghen dat en achten wi niet Ghy waendet Heynsborch te crijghen Met bedelen int verdriet Ghi zijt v leuen behouden man Want die so naerstelijc bedelen can den cost moet hi verweruen Hoe soudt ghy connen bederuen 3 Ghy waert so dapper int spreken [Folio 127r] [fol. 127r] Ghi bruyctet soe menich woort Verhalende onse ghebreken Dat hebben wi wel ghehoort Wy en achten v snorcken niet een kaf Dantworde die v den koeckoeck gaf Met clappen vander vander keyen Daer mocht ghi v toe bereyen 4 Die Prins al van Araignen Heeft dat vernomen saen Van alle die groote calaignen Datmen Heynsborch heeft ghedaen Si hebbent beschoten met menighen schoot En hebbent ghebrocht in spijsens noot Si meenden het waer ghewonnen mer ten was niet halfbegonnen 5 Die Prins die wildet beletten Als een velt heer fier Al om Heynsborch tontsetten Heeft hi versamelt schier Van Ruyter en knechten een groot gewelt | En heeftse in een slachoorden ghestelt En borcht Heynsborch victaille In spijt des Ghelders rapaille 6 Wat segdy ghy cleefsche knechten Hoe waerdy also bedacht Dat ghi niet en dorfte vechten Doen ghy ons hadt verwacht Het scheen ghy hadt so grooten moet ghi en wildet ons ontwijcken niet eenen voet Al waren wi noch thien hoopen Waer om ghinct ghy dan loopen 7 Des Paeschauonts victory Hadt v seer sot gemaect Met een verwaende glory Waerdi seer qualick geraect Certeyn ghy haddet al anders ghemeent Ghi hadt den Hertoch tgheschut ontleent Ghi en wildet niet betalen Die Prince moestet weder halen 8 Hertoch van Cleef met uwen steden [Folio 127v] [fol. 127v] En doet gheen verloren pijn En laet Heynsberch met vreden Ten mach niet anders zijn. Ende legt den Keyser thooft inde schoot Ghi weet zijn macht is v te groot Wat condy dan bedrijuen die minste moet ghi bliuen 4,5 menighen: m ondersteboven Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd