Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 211 Een nyeu liedeken 1 DOemen schreef .M.V. hondert ende eenen veertich Iaer. Doen is den hertooch van Gulic tot den coninc van Vrancrijc getogen. Ende heeft met hem een contract gemaect. Des Keysers vaders landen. Tot groote schaden ghebracht 2 Dat contract hebben wi vernomen dat is worden openbaer. Ongestraft en salt niet blijuen dat segghe ick v voorwaer. [Folio 122r] [fol. 122r] Merten van rossem hebben si in Brabant gesant Dies en wils hem die hertoch niet nemen an Hy wil hem keeren daer van 3 Wil hem die hertoch dit niet aen trecken waerom heeft hijt dan gedaen. Daer om willen wijt den Keyser clagen hi heeft so menigen stouten man Op den Keyser willen wi dragen vrien moet Hi wil de Gulickers straffen. Aen lijf ende oock aen goet 4 Die hertoch van gulick is een ionger man dat hi hem tsegen den keyser wil leggen an. daerom wil hi noch groote schade haen Dat voeget onse here God. Die gulicsche hebben metten vromen keyser gheschimpt en gespot 5 Wel op ghi gulicker boeren waer na staet uwen moet. V schimpen en v spotten en coemt niet alte goet. Hout eenen hueschen mont ende een reyne hant. So muechdy vrijlic wandelen. Al door des keysers lant 6 O ghi raet van gulic hebdijs nv niet wel gemaect | dat ghi uwen heere in ongenaden. Des keysers hebt gebracht Dat en werd v toch nymmermeer goet Ghenade moest hi begheren ende vallen den Keyser te voet 7 Dat hi genade begeret dat en is v geen scand des is allen menschen condich dat ghi gesondicht hebt. Tsegen God en dat Roomsche rijc. Waer mochtmen oyt gheuinden der Gulicker hoomoet ghelijck 8 Niet wel en sullen si varen die Lucifers kinder willen zijn Die hem seluen wil verheffen vernedert moet hi zijn dat selue spreect ons heere God Men sal den keyser eeren Ende houden met hem gheen spot 9 Nv rade ick edel ende onedel die in den duytschen landen zijn dat si den franchoysen niet en betrouwen Want si des keysers vyanden willen zijn Ende dat is nv openbaer [Folio 122v] [fol. 122v] den arent en can hi niet gekeeren want hi vlieget hen veel te hooch 10 Die ons dit liedeken dichte ende eerst gesongen haet. Hy en derf hem niet noemen van wegen zijnder stadt Merten van rossem heeft den dans gemaect. Die moeten die Gulikers dansen. Dach ende daer toe nacht. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd