Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 191 Een nyeu liedeken. 1 HOort toe ghi slootmakers altesamen al die met vijlen sloten wilt ontdoen Ghi sout v ooc met rechten scamen Dat ghi daer voren maect twee scoen En sacht al noyt gheen beter spel dan vijlt mijn slootken tgaet so wel 2 Een ionge maecht die quam mi clagen Hoe dat haer slot gesloten was En si haddet lange also gedragen Want si en vant gheen slotel op dat pas En al ben ic een luttel fel Comt vijlt mijn slootken tgaet so wel 3 Den ruyter stac zijn vijle al binnen den slote Hi dede noch naer hueren rel Dat vrouken sprac beneder mote Daer sult ghi bluschen mi geswel Noyt en haddic beter spel Vijlt mijn slotken tgaet so wel 4 Dat vrouken sprac tegen den slotmaker [Folio 109v] [fol. 109v] Ghi moet mijn slotken maken veij Ic goeter smout in wel een aker Mijn hooft bedeech mi also keij Noit en had ic arger spel Dan vijlt mijn slotken tgaet so wel 5 Dat vrouken dede huer slooten wel so vijlen dat si zijn vijle al heel bedarf. En ooc daer naer in corter wijlen Den ruyter van vijlen starf En noit en had ic sulc gequel Dan vijlt mijn slooken tgaet so wel 6 Dat slot was eenen cleynen tijt ontslooten Maer varinc wast weeder toe Theeft die sloetmaker so verdroten Sy vouder mede wt hueren ghoe Noit en had ic arger vel dan vijlt mijn sloetken tgaet so wel | 7 This schande voor de slootmakers Om dat si alle waren moe Men vint noch spitters ende brakers. Si soudent doen met heeten bloe En segghen noit geen beter spel. Dan vijlt mijn sloetken tgaet so wel 8 Wi bidden elc nemet in dancke. Mer wil iemant tslootken noch ontdoen Hi sal wel crijgen een goe blancke Om te coopen een paer scoen. En singt dan noit beter spel. Dan vijlt mijn slootken tgaet so wel. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd