Antwerps liedboek

189 Een nyeu liedeken

1
HOort alle toe arm ende rijcke
Wat cortelinge is gheschiet
Van eenen backer noyt dier gelijcke
Ghi sult horen dat rechte bediet

2
Die vrou begonst den backer te vraghen
Lieue melis mijn reden nv hoort
Ghi sijt out ende cranck van daghen
Aldus v seluen niet en verstoort

3
Ghy zijt out qualijck condi backen
Want v leden staen alte stijf
En ghi cont qualijck heffen groote sacken
Sprack dat ouerschoone wijf

4
Och wijf ick weets v so grooten danck
Dat ghi mi den arbeyt aldus verlaet
Hier woont mijn ghebuer heer vranc
Die hem van backen so wel verstaet

5
Melis ghinck in alsoe corter vren |
Daer zijn ghebuere sadt biden viere
Heer vranc ick soude v gaerne hueren
Om uwen wille so come ick hier

6
Vranc ghebuer ghi moet weten
Helpt doch mijn wijf en weest ghestilt
Te backen te budelen en wilt niet vergeten
Ghi sult hebben al dat ghi wilt

7
Die knape was cloeck van bedrijue
Hi bacte dat vrouken so wel te pas
Die vrou sprac wi en sullen ooc niet kijuen.
Hem docht dat backen groten arbeyt was.

8
Die knape ghinc dat meel begieten
Twee maenden lanc drie oft vier
Ten lesten began hem den arbevt te verdrieten
En seyde meester ick wil van hier

9
Melis sprac wildi bi mi blijuen
Ic sal v verbeteren v huer
Neen ic meester om v ronde schijuen
Den arbeyt valt mi veel te suer

10
Dat vrouken sprac al om begrepen
Vrancke ick sal v beteren alle v huer

[fol. 108v]

 

neen ic vrou uwen bactroch te screpen

 

mijn meester en ic hebbens bey ghenoech

 

 

 

11

 

Meester ic wil gaen soecken auontuer

 

Ic wil gaen nemen mijnen ganc

 

Aldus wilt mi betalen mijn huer

 

die ic verdient heb vier maenden lanck

 

 

 

12

 

Melis sprac ic en sal v niet betalen

 

vranc ghi en dient v huer niet wt

 

ghi en cont v vrouwe niet ghepayen

 

daer om sidi een arm druyt

 

 

 

13

 

Al is dit van eenen backer ghesongen

 

Niemant en sal hem trecken an

 

Hier voor wacht v venus discipules ionge

 

die den arbeyt niet ghedoen en can