Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 188 Een nyeu liedeken. 1 HOut al aen laet ons vrolic springen Ick sal ons singhen een nieu liet En met genuechte wat voort gaen bringen | Van dat nv cortelinghe is gheschiet Al van een vrouwe die quam in rouwe En moeste lijden groot verdriet 2 Dit vrouken gent seer fray van leden Tgaet so gheerne moy en fris En hanneken is so wel te vreden Mach hi sitten aenden dis Eten en drincken gheen achterdincken Van waer dat haer ghecomen is 3 Twee iongers hebben dit vernomen Elck leyde haer vanden sijnen voort En begheerden thuerent thuys te comen En seyden mijn liefste lieueken hoort Ick sal v gheuen sonder sneuen Een roy cuers met een trijpen boort 4 Die ander sprack al sonder quelen Ghi sijt die liefste dien ick weet Laet mi eens in v craemken spelen Ick sal v gheuen een nieu hooft cleet dat vrouken seyde ras sonder beyden [Folio 107v] [fol. 107v] Weest morghen te clocke acht bereet 5 Dat vrouken ras dat ginc zijn gangen. Haer tweeste boelken die quam daer Si seyde mijn liefste sonder verlanghen Coemt morghen ten thienen sonder vaer. Clopt tuwer bate ick sal v in laten En acht op mijn man niet een haer 6 Smorghens vroech al voor den daghe dat vrouken gheliet haer seer cranck Maer lacen wat haer hanneken vraechde Twas neent te wercke waert uwen ganck En laet mi rusten met cleender lusten die siecte mach vergaen God danck 7 Te clocke acht quam den eersten En speelde totten thienen zijn spel Met dien so quam daer ooc den tweesten En clopte metten rinck seer snel den vrijer opspranck teghen zijnen danck. Het is v man en niemant el 8 Dat vrouken was seer haest beraden | En heeft hem op den solder ghestelt den anderen ghinc zijn pack ontladen den eersten was alle zijn vruecht gheuelt Ras nv met liste in dees kiste Mijn man coemt ick hebt twaelf ghetelt. 9 Die man quam thuys en meende gaen eten daer en was niet met allen bereet Ras heeft hi daer zijn wijf gesmeten En seyde ghi vuyle hoere wreet Hi salt betalen rasch sonder falen dier bouen is den Heere weet 10 Den ruyter van bouen sprack met liste Hi moet gheuen den helft van dien. Die daer licht al in die kiste. Hi heeft haer vryne besien Ic hebber ghelaten thaerden bate Om haer ghesontheyt adieu wi vlien 11 Oorlof wi nemen int ghemeene En bidden elck wie dat ghi sijt oudt ionck groot en cleene dat ghi v van sulcke meesters beurijt [Folio 108r] [fol. 108r] Die vroukens bedriegen haer mans en liegen En makense hannekens breedt en wijt Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd