Antwerps liedboek
(2001)–Anoniem Antwerps liedboek–
Auteursrechtelijk beschermd
[Folio 106v]
| |
1
HOort toe al int ghemeyn
Een leyt met droeuichede
Hoe dat ons Keysers huysvrouwe reyn
Ter werelt es ouergheleden
Sy was seer goet den armen
Ende huer ghemeente int ghetal
Laet ons god bidden ouer al
dat God die siele wil ontfermen
2
Die arme menschen breet ende wijt
die moghen wel druck oorboren
Want si hebben als nv ter tijt
Seer veel aen haer verloren
Ende al die ghemeente mede
dat mochtmen wel mercken
Sijt dies wel vroet
Hoe si haer schamel ghemeente bijstont
In spaengien dit is waerhede
3
Nv suldi horen haer beclach
God wil die siele gheleyden
Op die meydach hoort mijn ghewach |
So is si vander werelt ghescheyden
Coninck philips haren sone ghepresen
die was daer altijs in present
Als si ontfinck dat heylighe sacrament
Ende hi moeste altijt bi haer wesen
4
Adieu coninck philips mijn sone goet
Want ic moet henen varen
Ende alle mijn kinderkens met der spoet
God wil v in duechden sparen
Adieu coninck van Portugale verheuen
Adieu coninck broeder domfernant
Ic moet gaen trecken in een ander landt
Christus wil mijn bewaerder wesen
5
Adieu Karolus keyser wtuercoren
God wil v bewaren ende sint Andries
En helenora mijn suster hooge geboren
Vrou marie god wil v behoeden voor meerder verlies
Ic moet de werelt begeuen
dus oorlof ghi heeren onghespaert
die hier ten houe sijn vergaert
| |
[Folio 107r]
| |
Wilt toch eendrachtelijck leuen
6
Si riepen al zijt vroom in strijt
Naden hemel sloech si haer ooghen
Sy sprack o ihesus ghebenedijt
Wilt mi v ghenade toghen
Die doot quam huer bestoten
Si sprac o heere God onbeureest
In uwen handen beueel ick mijnen gheest
dus heeft si huer ooghen gheloken
7
Al die daer hebben bi ghestaen
die groot metten cleenen
Si weenden daer so menighen traen
Met droeuegher herten ghemeene
In die stadt van Tollete met groten
rouwe
daer is si vanden werelt ghescheen
God wil die edel siele gheleen
Van onsen genadigen Keysers vrouwe
|
|