Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 170 Een amoreus liedeken. 1 WT liefden siet Lijde ick verdriet Ic en macht ooc niet wtspreken Hoe dat si hiet diet herte doorschiet Twelc venus heeft ontsteken Noyt smert so groot In desen stoot Wie soude den cloot genaken Reyn roosken root Troost mi tis noot Eer ic den doot sal smaken. 2 Ick ben doorwont Sijt des oorcont In tshertsen gront met liden Nochtans haer mont Ende borstkens ront | Can mi terstont verblijden Int swerelts croon Door haren toon Spant si den croon der vrouwen In desen hoon Haer dienaers loon Wie soude die scoon betrouwen 3 Liefs woorden soet Voor ghelt voor goet Want lief bi lief moet bliuen. Noch vintmen goet dat troosten doet Twelc liefde doet verdrijuen Mer dees kersou daer op ick bou Is bi geen vrou te ghelijcken. Derf ic den dou Ick sterf van rou Schoon liefken trou moet blijcken | 4 Laet hoop mijn vertrooster zijn Schoon roosemarijn gepresen soet medecijn Eer ick verdwijn So is mijn pijn ghenesen Mer weyghert zijt Gheen meerder spijt Mijn herte dat splijt doort deruen Vermalendijt Si vre oft tijt Ic roepe ic crijt om steruen. 5 Ist haer behaecht Eer ghi lof draecht haer si beuraecht met smeeken Ic hebt ghewaecht Tsi gode gheclaecht Dus hoort de maecht eerst spreken Loppe niet verblint Al teghen wint [Folio 94v] [fol. 94v] Oock niet en mint met ooghen Mer wel versint Eer ghi mint Eer ghi v vint bedroghen 6 Met oorlof reyn Siet int gemeyn Ic blijf alleyn in smerte Ic prijs dat greyn In swerelts pleyn Si blijft alleyn int herte Si is eerbaer Haer bruyn oochskens claer Al sonder maer gheschepen Een vre van haer Is duysent iaer Tblock valt swaer te slepen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd