Antwerps liedboek(2001)–Anoniem Antwerps liedboek– Auteursrechtelijk beschermd Vorige Volgende 171 Een nyeu liedeken. 1 WI meyskens net schoon gheblancket die gaerne vruecht hantieren Wi zijn verplet in Venus bruywet Niemant en wilt ons nv vieren dat heeft ghedaen Ons cussen ons lecken ons boerden ons gecken ons drincken ons clincken ons roepen ons winken | Het cost ons so menighen traen Voor cort iolijt een lanc verwijt Ons vruecht die mach haest vergaen Ons vruecht die mach haest vergaen 2 Om dat wi eens al binnens beens Speelden met venus brande Met luttel gheweens certeyn ic meens Bleef onsen maechdom te pande dat heeft ghedaen Ons cussen ons lecken ons boerden ons gecken Ons drincken ons clincken ons roepen ons wincken. Ist nv niet qualijc ghemaect den buyc is groot dat is den noot Wi zijn aen een kint gheraect Wi zijn. etcetera. 3 Dan claghen wi snel met groot ghequel Ons moeder om troost te verweruen dan antwoort si fel een dubbel vel Een hoerken sult ghi steruen dat heeft ghedaen Ons cussen ons lecken ons boerden. etcetera. [Folio 95r] [fol. 95r] Ons drincken / ons schincken. etcetera. Wat wilt ghi claghen mi dan gaen wi dolen wat batet verholen Niemant en ontsegghen wi Niemant. etcetera. 4 Dus treden wi voort hoort dit appoort Ende crijghen voor ons ghelucken die pocken aent boort ende worden gesmoort So dat wi danssen op cruycken dat heeft ghedaen Ons cussen ons lecken ons boerden Ons drincken ons clincken. etcetera. dus worden wi cruypel ende manck Ons vrienden ons magen wi luttel behagen dus eyndt ons leuen cranck Dus etcetera. 5 Eens waren wi ient al omme bekent Tot allen feesten om drucx vernielen Nv ist gewent wi zijn geschent Ende schoeyen metten sielen dat heeft ghedaen Ons cussen ons lecken ons boerden | Ons drincken ons clincken. etcetera. daer crijghen wi menighen waert Van lande te lande dan clappen ons tanden Ende menighen couwen haert Ende etcetera. 6 Dus worden wi lau int werck seer flau Verleept ende afgebraeyen die tanden grau die lippen blau dan moeten wi coppelen draeyen dat heeft ghedaen Ons cussen ons lecken ons boerden Ons drincken ons clincken. etcetera. Ghewreuen is onsen struyck die mammen zijn plat als een scotel doec nat Si hangen op onsen buyck Si han. etcetera. 7 Dus sietmen ons rijen doort niet bedijen. Om gode al voor die kercken Ons boelkens daer lijen met tween met drien Si en willen op ons niet mercken dat heeft ghedaen Ons cussen ons lecken ons boerden. etcetera. [Folio 95r] [fol. 95r] Ons drincken ons schincken Elck wijst ons met vingheren naer Pouer dat bijt ons / aermoede smijt ons Het valt ons veel te swaer Het valt. etcetera. 8 Ons leste huys is met een cruys Niemant en derfter na haecken Dan zijn wi confuys tis een abuys daer leeren wi luysen craecken dat heeft ghedaen Ons cussen ons lecken ons boerden Ons drincken ons clincken. etcetera. Hier toe so comen wi bloot Vol seren vol schellen vol sweeren vol bellen daer steruen wi inden noot Daer. etcetera. 9 Princerskens fier ient in bestier die noch zijn maechdekens reyne Wacht v voor tvier der liefden hier Ende slaept noch vry alleyne Ende wacht v doch Voor cussen voor lecken. etcetera. Voor drincken voor schincken. etcetera. Weest eerbaer in uwen mont Wiet anders doet ick maect v vroet Het sal v berouwen terstont. Het sal. etcetera. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd