Antwerps liedboek
(2001)–Anoniem Antwerps liedboek–
Auteursrechtelijk beschermd
[Folio 85v]
| |
Den tijt heeft vruecht wtuercoren
Wi waren naect gheboren te voren
Al verteeren wi tgoet
Wi dienen den heere van selden vroet
Die al verdoet
2
Men moet den droeuen sin verblijden.
Om tgoet en sullen ons vrienden niet
strijden
Wi sullent verteeren in tijden snijden
So diep int vet
Ons penninghen blijuen altemet
Int cabaret
3
Ghewet is hier tot desen spele
Besmet zijn wi met roeyaerts mele
Wat batet dat ict hele seer vele
Om tvet van dien
Die sommighe souden vruecht implien
En deden die lien
4
Wilt vlien van hier die met ons ghecken
Wi sien genoechte in allen plecken
Ondanc der nijders becken wi wecken
Iolijt ende vruecht
Wie in zijn ioncheyt niet en verhuecht
Die is onduecht
5
Doet duecht als duecht is in saysoene |
Dijn iuecht hout altijt euen groene
Die sulcke en was noyt coene in doene
Daer vruecht aencleeft
Wie om dat aertsce goet in sorgen leeft
Voorwaer hi sneet
6
Begheeft en schout die nijders plaghen
Wi heeft zijn goet voor hem gedraghen
Ons ouders oudt van daghen wi saghen
Si scheiden daer van
Wel hem die tgoet oorboren can
Tsi wijf oft man.
7
God gan haer broot diet hopelijc eten
Dus dan is best die sorghe vergheten
Die sulck is hooch gheseten ghesmeten
Voort op een radt
Al vinden wi ons ghildebroeders achter nat
Wat achten wi dat
8
Wel sadt werden wi noch tauont vondt
In vat leyt eenen dronckaert ghebonden
Die hout in ghesonden al slonden
Wi ghelijc een troey
Tweerdinneken borghet ons wten doy
Dus woorden wi moy
9
Poy poy wort tauont ons maniere
| |
[Folio 86r]
| |
Schoy schoy laet ons genoechte
hantieren.
Wi willent van thienen van vieren te bieren
Tis goet int lijf
Neemt al in danc ist man oft wijf
Ons sot bedrijf
|
|