Antwerps liedboek
(2001)–Anoniem Antwerps liedboek–
Auteursrechtelijk beschermd
[Folio 85r]
| |
Moet deruen hoe soude icx mi verblijen
Wel roepen ick mach met geclach
Tsi nacht of dach dat ic oeyt sach
Diet mi doet die gon ic goet
Met woorden soet moet ic mi lien
Tfy der valscher ialosien
2
Daer noyt wanck an en was geuonden
Ialoerscheyt doet mi anders gronden
Tot alder tijt so maect ghi nijt
door ialosie wort menich man verslonden
Ialoertsheit snel ghi valt mi fel
Laet v ghequel so vaer ic wel
Het cost mijn bloet der minnen soet
Ghi weet den moet in vrien
Tfy der. etcetera.
3
Die tortel duyf wil ic slachten
Haer eerste gaey niet te verachten
Helpt haer die gaey van herten fraey
dat blust veel vreemde gedachten
Want this somen siet een groot verdriet
die mensch is crancker dan een riet |
Staet hi vast hi wort verrast
Tfaelt hem een last tontrien
Tfy der. etcetera.
4
Noch gheef ick prijs eerbare vrouwen
Die haer vercieren met vast betrouwen
Met blij gelaet hoe dattet gaet
dat is den raet wilt dat onthouden
En maken haer yent tot een present
Och thert verwent door liefden blent
Schoon bloem weest niet so dom
Rijt herwaerts om bi tien
Tfy der. etcetera.
5
Prins wacht v der valscher ialosien
Wilt niemant met een ander betien
daer noeyt en was daer coemt wel ras.
Veel vreemde fantasien
Mijn hert verhuecht in die genoecht.
mijn iuecht maect vruecht in die genoecht
Sout niet so zijn dat cost mi pijn
Schout dat fenijn ende latet glien
Tfy. etcetera.
|
|