Antwerps liedboek
(2001)–Anoniem Antwerps liedboek–
Auteursrechtelijk beschermd
[Folio 60v]
| |
Dies moghen wi wel maken
groot iolijt
In desen tijt. Ende al met hem verblijden
Ende laten trueren lijden
Van graue Ian den vierden man
So is hi dan segt so wie can
Aloncius prophecie.
2
Den Arent coen quam eerst wt Oostenrijck
Met een leewinne was hi eerst ghepaert
Een stout baroen men vant niet zijns gelijc
der leeuwen dieren heeft hi wel bewaert
Sijn vol geschaert stelde hi in ordinancien
met wapenen ende lancien
Hi en vant noeyt lien die werc bien
Si en mosten vlien Voor het wijse engien
Ghemoet waren alle zijn cansen
3
Den Arent snel heeft ons geweest
ontsprongen
Mer den heyligen geest heeft ons so wel
versien
Ende niemant el met een van sinen
ionghen
Groote victorie sal hem geschien
Somen mach sien In boecken diet wel weten
Gheschreuen van propheten |
Int aertsche dal heeft hi gheual
Ende tvocl int stal heere bouen al
Mach hi hem wel vermeten
4
Der leeuwen stoc is nv seer hert om biten
Want den edelen Arent is ons comen bi
In zijn belock tot onser alder profijten
Wi hopen vlaenderen wort van oorloghen
vry
Verstaet wel mi Mi heeft gedocht in droome
Den edelen Keyser van roome
Den grooten Kan des heydens soudaen
Sal hi verslaen ende voortwaert gaen
Al totten drooghen boome
5
O princelic graen ghi zijt souuent idone
Want den oppersten coninc heeft v so
wel versint
ghi sult ontfaen die keiserlicke crone.
En acht dese nijders tonghen niet en twint
Ghi zijt gemint Wil v noch yemant deren
Wi sullent helpen weren
Met lijf ende ghelt als ghi op velt
v tenten stelt Der leeuwen moet swelt
| |
[Folio 61r]
| |
met schilden ende met speren
|
|