Amoreuse liedekens

Een oudt Liedeken.
[Schoon Lief playsant, dit nieuwe liet ontfanght]

SChoon Lief playsant, dit nieuwe liet ont-
fanght, In liefden triumphant
Sal ick u dienaer wesen, door Venus brandt
Ontgaet my het verstant
Ontbint my desen bandt, ghy meucht mijn
ghenesen, mijn druck versacht
Ghy hebt die macht, door liefdens cracht
Schoon lief daer ick na bey
Slaet op my acht, verhoort doch mijn ghe-
clacht, daer ick na wacht,
In dese coele Mey.

Waert ghy eens vroet

[p. 121]

 

Wat pijn ick lijden moet

 

Ghy zijt diet my doet, Nochtans ick u be-

 

minne, Mijn lijf mijn goet

 

En oock mijn herten bloet

 

Is voor u liefden soet

 

Hoe wel ick niet en winne,

 

Maer voelde ghy eens dat ick ly

 

Soo waer ick vry

 

Van alle druck in desen contrey

 

Dan soude my, die fantasy, heel maken bly,

 

In desen toecomende mey.

 

Schoon lief minjoot, ic sal ontdecken bloot

 

Mijn lijden waer als loot

 

Ghy meuchtmy verblijden, Troost my 't is

 

noot, mijn smerte end' pijn is groot

 

Levendich ben ick doot,

 

Ick sterf t'allen tijden, Want doen wy yet

 

Het wert bespiet, Al eer dattet gheschiet;

 

Door nijders ingheven, doet toch te niet

 

Dit swaer verdriet, welc ghy al aen my siet,

 

In desen toecomende mey.

 

Hoort en verstaet, Princesse delicaet,

 

Oft u ter herten gaet

 

Dat ghy my dus laet wachten

 

Niet en versmaet, V dienaer vroegh oft laet,

 

Het is u eyghen vaet

 

Ghy meucht mijn druck versachten,

 

Seght niet meer neen, maer u alleen

 

Maeckt ons twee, eenpaer in dit geschrey,

 

Alle gheween,

 

Sal hem ontspreen, van ons also ick meen

 

In dese toecomende mey.