Amoreuse liedekens
(na 1613)–Anoniem Amoreuse liedekens–
AuteursrechtvrijOp de Wijse, van Lyon.
EEn Amoreuse fiere ghelaet
Heeft mijn jonck herteken doorwondt
Geeft sy my geenen raet
Ick sterve in korter stont,
Haer Amoureuse ghesichte
Haer lieffelijcken rooder mondt
Haest u ghy Venus Nichte
Maeckt uwen dienaer ghesont.
Boven Iuno ghepresen
Staet ghy int herte geprent,
Mocht ick u dienaer wesen
Als ick ben in absent,
Schoon lief wilt u verneeren
Reyn Bloemken seer execellent,
Laet ons te samen boeleeren
Ontfanght my in u Konvent.
O weerde soete lieveken
Komt voor u Vensterken staen,
Ontfanght van my dit Brieveken
Daer in suldy vinden staen,
Mijn jonste en eerbaerheden
Reyn Edel Vrouwelijk graen,
Wilt doch in danckbaerheden
| |
[pagina 41]
| |
V schamel dienaer ontfanen.
Ick hoorde de Nachtegael singhen
Ende ick hoorde hem maken groot gheclach
Ick en kan my niet bedwinghen,
Ick verwonder my wattet wesen mach,
Mijn hemdeken wil ick aenschieten
En mijn Vensterken open doen,
Hoe sout my moghen verdrieten
Die Mey staet lustich en groen.
Dat schoon kint heeft uyt ghekeken
Die maen scheen licht en klaer,
Haer lief quam daer ghestreken
En sprack minlijck teghen haer,
Met Pijpen en Tamboeren
Dede hy haer een Amoreus ghelaet,
Die liefde stont te roeren
In dit schoone Kint delicaet.
In een Prieel met Roosen
Dat daer beneden stondt,
Daer hebben sy een lange poose
Gaen spreken Mont al teghen Mont,
Zy hebben gaen domineren
En Venus bant ontdae
Daer ginghen zy in studeren,
Elck was met minne bevaen.
met alsoo scherpe sinnen
Soo waer zy noch beraen,
Dat Edel tresoor van minnen
Dat hebben sy 't samen ontdaen,
Haer lieder herte heeft haer ontsoncken
Door der minnen durst
Sy hebben malcander gheschoncken
Een ghebodt der Amoreusen lust.
Oorlof edel Kersouwe
Wel rieckende Roosemerijn,
Schoon lief blijft my altijt ghetrouwe
Mijnder herten Medecijn,
Want ick nu moet henen varen
Al doet mijnder herten pijn,
Godt wil u in deuchden sparen,
Als ick van u moet zijn.
|
|