Die hystorie dat leuen ende dat regiment des alre grootsten ende machtichsten conincx Alexander die heere ende prince was van alle die werelt

Hoe dat Alexander Didimus antwoorde Ca. lix

[A]Lexander antwoorde Didimus der Bracmannen coninc aldus Sijn v dingen also als ghi seght: soe schijnt dat die Bracmannen alleen leuen sonder sonden op dese werelt na dat v ghescrifte luydet Want ghi en gebruyct niet tot eenigen tijt die weeldicheit die die natuere ghegeuen heeft allen menschen ende leuen naden auenturen ghemeen Aldus schijnt dat ghi luden alleene goden sijt oft ghi en acht op gode niet want ghi ontseght hem dat hi v geuen wil: ende dit dunc mi bet sotheit wesen dan leuen na wijsheit