Die hystorie dat leuen ende dat regiment des alre grootsten ende machtichsten conincx Alexander die heere ende prince was van alle die werelt
(1491)–Anoniem Die hystorie vanden grooten Coninck Alexander–
Auteursrechtvrij
[Folio h2r]
| |
danige brieuen Heere onuerwonnen coninc Wij hebben gehoort van uwe zeghe ende eere. ende hier in sijn wij zeer blijde van uwen ghelucken. Weet dat wi gheen dingen en hebben daer ghi op ons om oerlogen derft. want ons goet is al gemeen: ende wi eten alle eenrehande spijse Want schone dierbare clederen daer of laten wi ons ghenoegen mit eenre slouen Onse wijuen en blancketten hem niet om datse ons te bet ghenoegen souden. want wympel cleder ende crone dat is cyerheit mer gheen schoonheit: want gheen ander schoonheit en is dan ons die nature gelaten heuet Wij en hebben anders gheen husen dan holen ende haghedochtenende daer in wonen wi so lange als wi leuen. ende daer in laetmen ons leggen als wi doot sijn Wij hebben eenen coninc maer dat en is daer om niet dat ons eenighe rechters noot is: maer dat is alleen die edelheit. Want waer ouer soudemen rechten daer nyemant en is die misdoet Als Alexander die zeer wijs was dit vernam van haren leuen so liet hijse vry ende quijt van alle oerlogen Doe screef hi aldus tot Didimus coninc vanden Bracmannen |
|